AM:11:55:08/02/2025
2168 جار خوێندراوەتەوە
+
-
پشتی رێکەفتنا شاندێ هەرێم و بەغدا، حکومەتا رێڤەبرنا کاران راگەهاند،
رێکەفتن لسەر پرسا مووچەی هاتیەکرن و ئاریشەیا مووچەی هاتیە چارەسەرکرن، بەغدا ژی
دبێژیت حکومەتا رێڤەبرنا کاران پێگیری رێکەفتنان نینە.
ئەڤرۆ شەمبی، حکومەتا رێڤەبرنا کاران راگەهاند، دگەل بەغدا دا
رێکەفتینە لسەر پرسا مووچەی و ئاریشەیا مووچەی هاتیە چارەسەرکرن.
ئاماژە ب وێ یەکێ ژی کر، تا نها داهاتێ ناڤخۆیێ هەیڤا ئێک و راپۆرتا
خەرجیێ داهاتێ هەیڤا ئێک رادەستی بەغدا نەهاتیەکرن.
ئەو یەکژی بەرچاڤکر، لدویف رێکەفتنا دناڤبەرا وان دا دڤێت حکومەتا
رێڤەبرنا کاران هەیڤانە 80 ملیار دیناران ژ داهاتێ ناڤخۆ رادەستی بەغدا بکەت،
بەری نها ژی، سەرۆک وەزیرێن عێراقێ ژی ڕاگەهاندبوو، ئەڤسالە هەیڤانە پارەیێ
مووچەییێ هەرێمێ د دەمێ خۆ دا دێ هێتە هنارتن.
هەڤدەم، بەغدا بۆ مووچەیێ هەیڤا 12 یێ سالا دەربازبووی 441 ملیار
دینار بۆ سەر هژمارا بەنکیا حکومەتا رێڤەبرنا کاران هنارتیە لێ تا نها نەهاتیە
دابەشکرن و چارەنڤیسێ وێ ب نەدیاری مایە.