PM:04:52:16/01/2025
584 جار خوێندراوەتەوە
+
-
وەزارەتا پێشمەرگەی
راگەهاندنەک بەلاڤکر و تێدا هاتییە: ب مەرەما ڕێکخستنا ئەرک و کارێن راگەهاندنێ و
کۆنترۆلکرنا وێ بەربەلاڤیا هەی ژ بەلاڤکرنا وێنە و ڤیدیۆ و نمایشان ب جلوبەرگێن
سەربازی ب ڕەنگەکێ نەدروست قەدەغەیە.
ئەڤڕۆ پێنجشەمبی ١٦ـێ
کانوونا دووێ، وەزارەتا پێشمەرگەی راگەهاند، پۆستکرنا وێنە و ڤیدیۆ و نمایشکرن و
خۆدەرخستن ب ڕەنگەکی چالاکیێن کەسێ "ئەفسەر، فەرماندە، پێشمەرگە' ب جلوبەرگێن
سەربازی ل بنکە و بارەگەهێن سەربازی کو زیانێ ب شکۆ و کەسایەتیا وان بگەهینیت ل
تۆڕێن جڤاکی قەدەغەیە.
ئاماژە ب وێیەکێ ژیکریە،
هەمی جۆرە ناڤزڕاندنەک ل تۆڕێن جڤاکی ژ "کۆمنتێن نەجوان یان پۆست و بەلاڤکرنا
وێنە و ڤیدیۆیێن نە گونجای" کەسێ ئەنجام دەر دێ رووبڕووی یاسایێ و دادگەها
سەربازی بیت.
د راگەهاندنێ دا ئەو
یەکژی هاتییە، دڤێت هەردوو ڕێڤەبەریێن گشتیێن راگەهاندن و هەوالگیرییا پێشمەرگەی ب
هەڤبەندی دگەل دەزگەهێ ئەولەهیێ دیڤچوونێ بۆ پەیجێن فەیک و نەدیار بکەن کو سفکاتیێ
ب ناڤ و دەنگێ پێشمەرگە و فەرماندەیێن سەربازی دکەن.
راگەهاندییە ژی، ئەگەر
ئەو کەس کەسێن سەربازی بن لدیف یاساییا سەربازی دێ مامەلە دگەل دا دهێتەکرن، لێ ئەگەر
ئەو کەس وەلاتیێن سڤیل بن دێ ب ڕێکا فەرمانگەها یاساییا وەزارەتا پێشمەرگەی
سکالایێ لسەر تۆمارکەن.
دبێژن ژی، ڕێڤەبەریا
گشتییا راگەهاندن و ڕێڤەبەریا گشتییا هەوالگیریا پێشمەرگەی دێ بەردەوام چاڤدێریێ و
دیڤچوونێ بۆ ڤی بابەتی کەن.