AM:08:40:12/11/2024
376 جار خوێندراوەتەوە
+
-
بهایێ پەترۆلێ د بازارێن جیهانێ دا هاتیە خار و
بەرمیلەکا پەترۆلا خاڤا برێنت ب ٧١ دۆلار و ٧٥ سەنتان بازار پێ دهێتەکرن و هەڤبەر
ب دوهی بهایێ وێ هاتیە خار.
ئەڤڕۆ سێشەمبی، بهایێ بەرمیلەکا پەترۆلا رۆژئاڤایا
تێکساس ب ٦٧ دۆلار و ٩٤ سەنتان بازار پێ دهێتە کرن، هەڤئاوایێ پەترۆلا برێنت هەڤبەر
ب دوهی بهایێ هاتە خار.
بەری نها، ئەندامێن رێکخراوا ئۆپیک پلەس ژبەر
دلگرانیا وان ژ خرابوونا ئاماژەیێن ئابووری و هاتنە خارا بهایێ پەترۆلێ، زێدەکرنا
بەرههەمئینانا پەترۆلێ بۆ مەهەکا دی پاشخست و بڕیارە د مەها ئێک یا سالا بهێت دا دەست
ب زێدەکرنا بەرهەمئینانا پەترۆلێ بکەن.
ئەڤەژی پشتی وێ یەکێ دهێت، د جڤینا بەرێ یا رێکخراوێ
دا بڕیاردابوو کو بەرهەمئینانا پەترۆلێ ل مەها ١٢ یا ئەڤسالە نێزیکی ١٨٠ هزار بەرمیلێن
دی د رۆژەکێ دا کێم بکەن.
ژلایەکێ دیڤە، ئالۆزیێن سیاسی و چەکداریێن رۆژهەلاتا
ناڤەڕاست و جەنگێ روسیا و ئۆکرانیا و شەڕێ غەززە و لوبنان سەدەمەکێ دیێ نەبنەجهیا
بهایێ پەترۆلێ یە.