PM:11:16:07/11/2024
144 جار خوێندراوەتەوە
+
-
وەزارەتا داراییا
حکومەتا رێڤەبرنا کاران راگەهاند، بەنکا بازرگانیا عێراقێ دگەل تیما هژمارا من جڤیا
و رێککەفتن لسەر بلەزکرنا تۆمارکرنا فەرمانبەران، گەهاندنا کارتان و دانانا
ئامیرەیێن راکێشانا پارەی ل هەمی هەرێما کوردستانێ.
وەزارەتا داراییا حکومەتا
رێڤەبرنا کاران د ڕاگەهاندنەکێ دا بەحسا وێیەکێ کر، هەڤئاوایی بانکێن پشکداربوویێن
دی یێن هژمارا من، ژ ئەڤرۆ پێدا خزمەتگوزاریێن بەنکا تی بی ئای بۆ مووچەخۆرێن
هەرێما کوردستانێ بەرفرەهتر دبن.
ئاماژە ب وێیەکێ ژیکر،
نموونەیا وان خزمەتگوزاریان کو لسەر رێککەفتن هاتیە کرن، بریتینە ژ وێیەکێ ئەو
بنکە دوو لقێن نوی ل پارێزگەها هەولێرێ و سلێمانیێ ڤەکەت و دەهان ئامێرێن راکێشانا
پارەی دناڤ کابینەیێن هژمارا من دا ل هەمی هەرێما کوردستانێ بدانیت و لڤان نێزیکان
دەست ب دابەشکرنا زێدەتری ١٠ هزار کارتێن بەنکا تی بی ئای دێ هێتە کرن.
ئەڤە د دەمەکێ دایە، ل
داوی راگەهاندن دا بەنکا تی بی ئای دبێژیت، ئەو بەرهەڤن بۆ ب بەنکیکرنا مووچەیێ مووچەخۆرێن
هەرێمێ و بەحسا وێیەکێ نەکریە بەشەک بن ژ پرۆژەیێ هژمارا من.