PM:10:08:05/11/2024
428 جار خوێندراوەتەوە
+
-
جڤاتا وەزیرێن عێراقێ بڕیاردا
مەزاختیێن بەرهەمئینان و ڤەگۆهاستنا وێ پەترۆلێ بدەتە هەرێمێ کو رادەستی کۆمپانیا
سۆمۆ یان وەزارەتا پەترۆلا عێراقێ دکەت.
جڤاتا وەزیرێن عێراقێ د جڤینا خۆ یا ئەڤرۆ دا بڕیاردا،
هەرێم هەر چەند پەترۆلێ بەرهەم بئینیت و رادەستی کۆمپانیا سۆمۆ یان وەزارەتا
پەترۆلا عێراقێ بکەت، دێ تێچوویێن بەرهەمئینان و ڤەگۆهاستنا وێ پەترۆلێ ب هەرێمێ
هێتە دان.
لدویف ڕاگەهاندنا جڤاتا
وەزیرێن عێراقێ، وەزارەتا پەترۆلا عێراقێ ب رێککەفتن دگەل وەزارەتا سامانێن سروشتیێن
هەرێمێ، دەستەیەکا راوێژکاریا ناڤدەولەتی ب مەرەما دیارکرنا تێچوویا بەرهەمئینان و
ڤەگۆهاستنا پەترۆلا هەرێمێ دیار دکەت.
ئاماژە ب وێیەکێ ژیکر، ئەگەر
د هەیاما ٦٠ رۆژان دا ئەو دەستەیە نەهێتە دیار کرن، ل وی دەمی جڤاتا وەزیرێن
عێراقێ بخۆ دێ دەستەیەکا تایبەت دیار کەت.
ئەو یەکژی بەرچاڤکر، ئەو
دەستەیا دهێتە دیار کرن، دێ تێچوویا بەرهەمئینان و ڤەگۆهاستنا هەر بەرمیلەکا پەترۆلێ
دیار کەت و لسەر وی بنەمای ژی، وەزارەتا داراییا عێڕاقێ دێ قەرەبوویا هەرێما
کوردستانێ کەت کو د نها دا ب تێکڕا ١٦ دۆلارە بۆ هەر بەرمیلەکێ.