PM:08:41:03/11/2024
788 جار خوێندراوەتەوە
+
-
پشتی ڕەت کرنا وێ لیستێ
لسەر هەبوونا هژمارەکا کێم و کاسیان، حکومەتا رێڤەبرنا کاران راگەهاند، دووبارە
لیستا مووچەیێ مەها ١٠ بۆ بەغدا هنارتیە، ژێدەرەکی ژی بۆ ئێن ئاڕ تی ڕاگەهاند،
ئەگەر حکومەتا رێڤەبرنا کاران تێبینیێن بەغدا لسەر لیستا مووچەی چارەسەر کربن دێ د
ڤێ حەفتیێ دا پارەی بۆ مووچەی هنێرن.
د مەها ١١ داینە حکومەتا هەرێمێ لیستا مووچەیێ مەها ١٠
رادەستی وەزارەتا داراییا عێراقێ کر، ئەڤە ژی د دەمەکێدایە بەری نها لیستا مووچەیێ
مەها ١٠ ژلایێ وەزارەتا داراییا عێراقێ ڤە هاتە ڕەت کرن و بۆ حکومەتا رێڤەبرنا کاران
هاتە هنارتن ڤە، ژێدەرەکێ ژی بۆ ئێن ئاڕ تی ڕاگەهاند، ئەگەر حکومەتا رێڤەبرنا کاران تێبینیێن بەغدا لسەر لیستا
مووچەی چارەسەر کربن دێ د ڤێ حەفتیێ دا پارەی بۆ مووچەی هنێرن.
ژلایێ خۆڤە ژی، محەمەد
زیادی ئەندام پەرلەمانێ عێراقێ بۆ ئێن ئاڕ تی راگەهاند، پرسا
مووچەی پرسەکا گرنگە ژبەر کو تایبەتە ب تاکێ عێراقی ل هەرێما کوردستانێ، حکومەتا
هەرێمێ دڤێت زەلال بیت د پرسا مووچەی دا لهەمبەر حکومەتا عێراقێ، ژپێخەمەت وێیەکێ
چ بەربەستەک بۆ مووچەی دروست نەبیت، لسەر وان پێدڤیە وان رێککەفتنان جێبەجێ بەکەن
کو دگەل حکومەتا ناڤەندی کرینە.
هەڤدەم، ژلایەکێ دی ڤە
ژی، حەمید شبلاوی ئەندام پەرلەمانێ عێراقێ بۆ ئێن ئاڕ تی ڕاگەهاند، هیڤیدارم
ناکۆکیێن هەرێمێ و بەغدا بهێنە چارسەر کرن گرێدای ب مووچەیێ فەرمانبەران ڤە، ب
گرنگی ڤە ل چارسەریا وێ پرسێ بنێرن، کو تایبەتە ب مافێن فەرمانبەران و مووچەخۆران،
ژبەر کو ئاریشەیێن هەوە پەیوەندی ب وان ڤە نینە وانا چ تاوان نینە، ژبەر ڤێ ژی
پێدڤیە یاسایان چارەسەر بکەن و داویێ ب وان ئاریشەیان بینن ژپێخەمەت بەرژەوەندیا
گەلێ خۆدا.