AM:10:11:10/10/2024
408 جار خوێندراوەتەوە
+
-
شەڤا 8ـێ ڤێ
مەهێ سنێلەیەکێ 17 سالی د ئاڤا روویبارێ ئاڤاشین دا ل شیلادزێ خەندقی و پشتی دوو
شەڤ و رۆژەکێ تەرمێ وی هاتە دیتن.
ئەڤرۆ پێنجشەمبی،
بەرەڤانیا باژێرێ دهۆکێ ڕاگەهاند، پشتی کو شەڤا 8ـێ ڤێ مەهێ سنێلەیەک بۆ راڤە
ماسیان چوویە سەر روویباری ئاڤاشین ل شێلادزی و مەلەڤانی کرین، د ئاڤێ دا خەندقی.
ئاماژە ب وێ
یەکی ژی کر، ژیێ وی سنێلەی 17 سالن ب ناڤێ (ي، م) و ئاکنجیێ گوندێ سیتەیە ل سنورێ ناحیا شێلادزێ.
ئەو یەکژی بەرچاڤکر، سپیدەهیا ئەڤرۆ ل دەمژمێر
9ـێ سپێدێ پشتی دوو شەڤ و رۆژەکێ تەرمی لبەر ئاڤێن وی روویباری هاتە دیتن.
هەڤدەم، رێبوار عەبدولعەزیز پەیڤدارێ بەرەڤانیا
باژێرێ دهۆکێ بۆ ئێن ئاڕ تی ڕاگەهاند، ژ دەستپێکا ئەڤسالە تا نها 12 کەس ل سنورێ
دهۆکێ د ئاڤێ دا خەندقینە.