PM:03:47:09/10/2024
2192 جار خوێندراوەتەوە
+
-
پەیڤدارێ وەزارەتا
داراییا حکومەتا رێڤەبرنا کارێن هەرێمێ ڕاگەهاند، بۆ بەلاڤکرنا لیستا مووچەیێ مەها
نەهـ یێ مووچەخۆرێن هەرێمێ چاڤەرێ بەغدا دکەن پارەی بۆ وان بهنێریت.
ئەڤرۆ چارشەمبی، هونەر
جەمال پەیڤدارێ وەزارەتا داراییا حکومەتا رێڤەبرنا کارێن هەرێمی د کۆنفرانسەکا
رۆژنامەڤانی دا بەحسا وێ یەکێ کر، وان زەلال کرن دایە بەغدا و چاڤەرێ هنارتنا
پارەینە داکو دەست ب دابەشکرنا مووچەیێ مەها نەهـ بکەن.
ئەو یەکژی بەرچاڤکر، د لیستێن
مووچەی دا ئاریشەیا ناڤێن دووبارە و وەک ئێک هەبوون و لسەر وی بابەتی وان زەلال
کرن دایە بەغدا.
بەحسا وێ یەکێ ژی کر،
ئاریشە د مووچەیێ فەرمانبەرێن وەزارەتا کارەب و سەرۆکاتیا پەرلەمانی دا هەیە، ئەوا
پەرلەمانی ژبەر زێدەکرنا چەند ناڤان مووچە بۆ وان نەهاتیە، ژبەر وێ چەندێ وان
زەلال کرن دایە.
گوت ژی، پشتی هنارتنا
زەلال کرنا پێدڤی بۆ بەغدا، چاڤەرێ دکەن د ڤان چەند رۆژان دا ئەو ئاریشەیە بهێتە چارەسەرکرن
و مووچەیێ وان بهێتە هنارتن.
ئەڤە د دەمەکی دایە، هەڤئاوایێ
مەهێن بەرێ حکومەتا بنەمالەیێن بارزانی و تالەبانی دەست بسەر وی پارەی دا گرتیە کو
ژلایێ بەغدا ڤە بۆ هاتبوونە هنارتن بۆ دابەشکرنا مووچەیێ مووچەخۆرێن هەرێمێ، لدویف
زانیاران ژی، بنەمالەیا بارزانی و تالەبانی ب هەڤبەشی بڕیارداینە کو دابەشکرنا
مووچەی بۆ چەند رۆژان بەری هەلبژارتنێ گیرو بکەن.