AM:08:15:08/10/2024
516 جار خوێندراوەتەوە
+
-
پشتی هێرشێن مووشەکیێن ئیران بۆ سەر ئیسرائیل،
بهایێ پەترۆلێ ب ئاوایەکێ بەرچاڤ بلندبوو و د نها دا بهایێ وی زێرێ رەش تا دهێت
بلند دبیت و نها بهایێ ئێک بەرمیلا پەرۆلا خاڤا برێنت ب ٧٩ دۆلار و ٦٧ سەنتان
بازار پێ دهێتە کرن.
ئەڤڕۆ سێشەمبی، ئێک بەرمیلا پەترۆلا رۆژئاڤایێ
تێکساس ب ٧٥ دۆلار و ٩٠ سەنتان بازار پێ دهێتەکرن، هەڤبەر دوهی گۆهرین بسەردا نەهاتیە.
ئەڤە دەمەکی دایە، ڕێکخراوا ئۆپێک پلەس رۆژانە
بەرهەمئینان ب ڕێژەیا پێنج ملیۆن و ٨٦ هزار بەرمیلێن پەترۆلێ کێم کرینە و ئەڤ کێم
کرنە تا کانوونا ئێکێ یا ئەڤسالە دێ بەردەوام بیت دیڤدا بەرهەمئینان دێ ب ڕێژەیا
١٨٠ هزار بەرمیلێن پەترۆلێ زێدەکەن.
ئاژانسی فاینانشەل تایمز دەربارێ ڤی بابەتی دبێژیت،
زێدەکرنا بەرهەمی ب ڕێژەیا ١٨٠ هزار بەرمیلان پشتی وێیەکێ دهێت کو سعودیە دڤێت بەرهەمئینانێ
زێدەبکەت و د دویماهیکا سالێ دا بهایێ پەترۆلێ بهێتە خارێ و ئەڤ ولات ڕەت دکەت کو
بهایەکێ بنەجهـ بۆ پەتەرۆلێ دابنێت.
ژلایەکێ دیڤە، ئالۆزیێن سیاسی و چەکداریێن رۆژهەلاتا
ناڤەڕاست و جەنگێ روسیا و ئۆکرانیا و شەڕێ غەززە بۆ لوبنان سەدەمەکێ دیێ نەبنەجهیا
بهایێ پەترۆلێ یە.