PM:11:03:16/09/2024
140 جار خوێندراوەتەوە
+
-
دەمەکی دا ٤٥ رۆژ دەرباز
دبن کو فەرمانبەر و مووچەخۆرێن هەرێمێ مووچەیێ مەها هەشت نەوەرگرتیە، لێ مەسرور
بارزانی کەنالەکێ نوێ ڤەکر ب بودجە و مەزاختیێن زەبەلاح لسەر حسابا خەلکێ هەرێمێ و
مووچەخۆران.
دەمەکی دا رۆژ٤٥ دەرباز دبن کو فەرمانبەر و مووچەخۆرێن
هەرێمێ مووچەیێ مەها هەشت نەوەرگرتیە و حکومەتا ڕێڤەبرنا کارێن هەرێمێ بەردەوامە
دەمێ هنارتنا لیستا مووچەی بۆ بەغدا گیرودکەت، لدیڤ زانیاریان کەنالێ نوی یێ
مەسرور بارزانی ١٠٠ ملیۆن دۆلار ل دامەزراندنێ هاتینە خەرجکرن و خەرجیێن مەهانە ژی
چەند ملیۆن دۆلارن.
ڤەکرنا وی کەنالێ نوی د دەمەکی دایە کو نها ناڤەڕاستا
مەها نەهە، لێ تا نها مووچەخۆرێن هەرێمێ مووچەیێ مەها هەشت نەوەرگرتیە، لێ حکومەتا
ڕێڤەبرنا کارا مەسرور بارزانی نە لیستا مووچەی یا دروست بەرهەڤ دکەت، نە بەرهەڤە ب
داهاتێ ناڤخۆ و داهاتێ پەترۆلا ب قاچاغ دفرۆشن بۆ مووچەی بمەزێخن و دگەل یەکێتی ب
هەڤبەشی د دزن.
نەکو هەر ئەڤە تەنانەت
بەریا دەمێ هەلبژارتنێ ل هەمبەر خەلکی بێ منەتن و پارەیێ خەلکی د دامەزرادنا کەنالان
دا دمەزێخن، زێدەباری هندێ کو مەسرور بارزانی چەندین کەنال و سازیێن دی یێن میدیایی
هەنە کو لسەر داهاتێ وەلاتیێن هەرێمێ ڤەکرینە، لێ کەنالێ نوی ژی هاتە سە کو
زۆرترین داهات و بودجە بۆ هاتیە تەرخانکرن، وەکو سویند خاربیت داهات و بودجەیێ
خەلکی تنێ بۆ مووچەی و خزمەتا خەلکی نەمەزێخن، ئەگەر نە بۆ کەنال و پرۆژە و
مەزاختیێن خۆ بەردەوام دەستێن وان دناڤ خزینەیێ دانە.