AM:09:48:09/08/2024
1092 جار خوێندراوەتەوە
+
-
وەزارەتا بەڕەڤانیا
روسیا ڕاگەهاند، ٧٥ بالەفرێن بێ بالەفرڤان و حەفت بەلەمێن بێ شۆفێر یێن ئۆکرانیا د
دەریایا رەش دا تێکشکاندینە. حاکمێ هەرێما بێلگورد یێ روسیا ژی دبێژیت، ب ٢٩
بالەفرێن بێ بالەفرڤان تێکشکاندینە.
ئەڤرۆ
ئەینیێ، وەزارەتا بەڕەڤانیا روسیا د ڕاگەهاندنەکێ دا بەلاڤکر، شەڤا دەربازبووی
ئۆکرانیا بزاڤ کرینە ب بالەفرێن بێ بالەفرڤان هێرش بکەتە سەر ئاخا روسیا و هێزا
ئەسمانیا روسیا بەرهنگاربوویە و ئەو هێرش تێکشکاندیە.
بەحسا وێ
یەکێ ژی کریە، د وێ هێرشێ دا ٧٥ بالەفرێن بێ بالەفرڤان تێکشکاندینە و ل دەریایا
رەش ژی حەفت بەلەمێن بێ شۆفێر یێن ئۆکرانیا تێکشکاندینە.
ژ لایێ خۆ ڤە
ژی، فياتشيسلاف گلادكوف حاکمێ هەرێما
بێلگوردا روسی ئەویەک بەرچاڤ کر، ب ٢٩ بالەفرێن بێ بالەفرڤان هێرشی سەر هەرێما وان
هاتیە کرن و هەر ٢٩ بالەفر تێکشکاندینە و وێ هێرشێ چ بریندار لدویف خۆ نەهێلان.