PM:11:24:02/08/2024
464 جار خوێندراوەتەوە
+
-
نووچەگەهانێ ئێن ئاڕ تی ڕاگەهاند، تەرمێن وان ١٣ کۆچبەرێن کورد کو مەها شەش
یا دەربازبووی ل سنورێن ئاڤیێن ئیتالیا خەندقین، ڤەگەراندنە هەرێما کوردستانێ و ل وارێن
وان دێ هێنە ڤەشارتن.
نووچەگەهانێ ئێن ئاڕ تی ئاماژە ب وێیەکێ ژیکر، ئەڤشەڤە دەمژمێر ٩ و ١٠
خۆلەک ئەو بالەفرا کو تەرمێن وان کۆچبەرێن ل سنورێن ئاڤیێن ئیتالیا ل مەها شەشا
دەربازبووی خەندقین هەلگرتین، ل بالەفرخانەیێ نیشیا.
بەحسا وێیەکێ ژیکر، بەشەکا وان کۆچبەران خەلکێ هەولێرێ و ڕاپەرینن و ئەوێن
دی خەلکێ رۆژهەلاتێ کوردستانێ نە.
ئاماژە ب وێیەکێ ژیکر، بتنێ دوو تەرم ژوان ڤەگەراندینان کو خەلکێ هەولێرێ
نە ئەوژی ژنەک و زاروکەکێ سێ سالی یە، گورێن وان ل گورستانا کەسنەزان بەرهەڤ کرینە
داکو هەر ئەڤشەڤە ب ڤەشێڕن.
گوت ژی، ئەوێن دی خەلکێ رۆژهەلاتێ کوردستانێ نە و چێدبیت د کارگۆیێ دا
بهێلن یان ژی بهنێرنە نۆژداریا داد تا سوبەهی، دا کو کۆنسولخانەیا ئیرانێ ل هەرێمێ
کارێ ڤەگۆهاستنا تەرمێن وان ئەنجامبدەت.
ب گوتنا کەسوکارێن
وان، تەرمێن وان هەشت کۆچبەران کو خەلکێ رانیە و قەلادزێ بوون سوبەهی دێ د
مەراسیمەکا تایبەت دا هێنە ڤەشارتن.