PM:01:36:27/07/2024
328 جار خوێندراوەتەوە
+
-
ئاریشەیا کێم ئاڤیێ ل دەڤەرێن جودایێن هەرێمێ بەردەوامە و نەوەی نوێ
ژی بەردەوامە ژ دابەشکرنا ناڤێ بسەر وەلاتیان دا، ئەڤرۆ ژلایێ تیما نەوەی نوێ ڤە،
ئاڤ بسەر ئاکنجیێن چەند تاخێن سلێمانیێ و هەولێرێ دا هاتە دابەشکرن.
ئەڤرۆ شەمبی، ب
سەدەمێ ئاریشەیا بێ ئاڤیێ ل بەشەکا تاخێن سلێمانیێ و هەولێرێ، تیمێن نەوەی نوێ ل جهێ
حکومەتا رێڤەبرنا کاران مژیلی دابەشکرنا ئاڤێ نە بسەر وەلاتیان دا.
بەشەکا ئاکنجیێن وان تاخان بۆ ئێن ئاڕ تی ڕاگەهاند، چەندین سالن ئاریشەیا
کێم ئاڤیێ هەیە و حکومەتا رێڤەبرنا کاران تا کو نها ئەو ئاریشەیە چارسەر نەکریە،
ژبەر ڤێ ژی نەچارن مەهانە سێ بۆ چار تانکەرێن ئاڤێ بکڕن کو هەر تانکەرەکی ١٠ بۆ ١٢
هزار دیناران پێ ددەن.
بەحسا وێیەکێ ژیکر، دەست خۆشیێ ل تیمێن نەوەی نوێ دکەن کو رابووینە ب
دابەشکرنا ئاڤێ بۆ تاخان و ئەو خزمەتگوزاریێن نەوەێ دکەت چ لایەنان پێ ناهێتە کرن.
ئەڤە ژی د دەمەکێدایە، ژ دەستپێکا هاتنا وەرزێ گەرمێ و سەرهەلدانا
ئاریشەیا کێم ئاڤیێ، نەوەی نوێ ل باژێر و باژێرۆکێن جودایێن هەرێمێ ل جهێ حکومەتا رێڤەبرنا
کاران مژیلی دابەشکرن و دابینکرنا ئاڤا ڤەخۆارنێ یە بۆ وان وەلاتیێن ب دەست
نەبوونا ئاڤا ڤەخوارنێ دنالن، لێ چەندین جاران ژلایێ هێزێن ئەولەهیێن پارتی و یەکێتی
ڤە رێگری لێ هاتیە کرن.