PM:04:35:25/07/2024
456 جار خوێندراوەتەوە
+
-
جڤاتا خزمەتگوزارییا گشتی ل عێراقێ راگەهاند، بڕیار دایە ب دامەزراندنا
٥٦٠ کەسێن خودان باوەڕنامەیێن بلند و دەرچوویێن ئێکەم ل وەزارەت و دەستە و
پارێزگەهێن عێراقێ.
ئەڤڕۆ پێنجشەمبی،جڤاتا خزمەتگوزارییا گشتی ل عێراقێ راگەهاند، دەربارێ دامەزراندنا
هەلگرێن باوەڕنامەیێن بلند و ئێکەمێن زانکۆیان جڤینەک ئەنجام دا.
ئاماژە ب وێیەکێ ژیکر، د جڤینێ دا بڕیار دایە ب دامەزارندنا زێدەتری
٥٦٠ کەسان کو هەلگرێن باوەڕنامەیێن بلند و ئێکەمێن زانکۆیان ل وەزارەت و دەستەو
پارێزگەهان.
ئەو یەکژی بەرچاڤکر، دێ بەردەوام بن ژ دەرکرنا بڕیارا دامەزراندنێ بۆ
ئێکەم و خودان باوەڕنامەیێن بلند و هەمی خاندەکاران پشت ڕاست دکەن کو ب زوویترین
دەم دێ هێنە دامەزراندن.
د سێ رۆژێن بووری دا، جڤاتا خزمەتگوزارییا گشتی ل عێراقێ بڕیاردا ب
دامەزراندنا زێدەتری ٥٠٠ کەسان ل وەزارەتا خاندنا بلند و ڤەکۆلینێن زانستی و کەرتێ
پەروەردێ، هەروەسا رۆژا ٢٠ـی ڤێ مەهێ چار هزار کەسێن خودان باوەڕنامەیا ماستەرێ ل
وەزارەتا خاندنا بلند و ڤەکۆلینێن زانستی دامەزراندن، بەری نها ژی ٦٦ کەس ل
وەزارەتا خاندنا بلند و ڤەکۆلینێن زانستی، هەروەسا دامەزراندنا ٣٠٤ کەسێن دی ل
چەندین سازیێن جودا هاتینە دامەزراندن.
ئەڤە د دەمەکی دایە، نێزیکی ١٠ سالانە ل هەرێمێ ب تەمامی دامەزراندن
هاتیە راگرتن و چەندین جاران دەرچوویێن زانکۆیان و ئێكەمێن زانکۆ و پەیمانگەهان
هاتینە سەر جاددەیان و داخازا مافێن خۆ کرینە لێ ژبلی بەرسڤەکا سار و سۆزێن بێ
ئەنجام حکومەتا ڕێڤەبرنا کاران و دەستهگەلاتدارێن هەرێمێ چ تشتەک بۆ دەرچوویێن
هەرێمێ لدەف نینە.