PM:01:43:21/06/2024
1036 جار خوێندراوەتەوە
+
-
وەزیرێ
دەرڤەیێ ئەمریکا ب بەرپرسێن ئیسرائیل ڕاگەهاندیە، پێدڤیە خۆ دویربێخن ژ زێدەکرنا
ئالۆزیان دگەل لوبنان و لدویف چارەسەریا دیبلۆماسی دا بگەرن.
وەزارەتا
دەرڤەیا ئەمریکا د ڕاگەهاندنەکێ دا بەحسا وێ یەکێ کریە، ئەنتۆنی بلینکن دگەل تزاچی
هانێگبی شێورمەندێ ئاسایشا نەتەوەیێ ئیسرائیل و رۆن دێرمەر وەزیرێ کاروبارێ
ستراستیجیێ وی وەلاتی کۆمبوویە و تەکەزی ژ پێدڤیێن پێنگاڤێن زێدەتر بۆ زێدەکرنا
هاریکاریا مرۆڤی بۆ غەززە و پلاندانان بۆ حکورانی و ئاسایش و ئاڤاکرنا وێ پشتی
هەڤرکیان کریە.
پێشتر
سکرتێرێ گشتیێ حزبولایا لوبنانێ هۆشداری دا کو ژ ئەگەرێ روویدانا شەڕەکێ بەرفرەهـ
دگەل ئیسرائیل هێزێن وان ب بێ کۆنترۆل و رێسا و بێ سنور شەڕی دکەن.
ل وی دەمێ
شەڕێ غەززە دەستپێکری، ئالۆزیان لسەر سنورێ دناڤبەرا ئیسرائیل و لوبنان سەرهەلدایە
ڤە و تا نها ژی ئیسرائیل چەند سەرکردەیەکێ گروپێن چەکدارێن لوبنان کرینە ئارمانج.