PM:01:25:15/05/2024
452 جار خوێندراوەتەوە
+
-
شوینکارێ بەرێتر
یێ وەزارەتا داراییا عێراقێ بۆ ئێن ئاڕ تی ڕاگەهاند، تا نها چ رێکەفتنەک لسەر ب
بەنکیکرنا مووچەی بۆ پشکداریکرنا هەژمارا من و بەنکێن حکومیێن عێراقێ نەهاتیە کرن
و ئەگەر ئاریشەیێن وان ب ڤی ئاوایی بەردەوام بن و نەهێنە چارەسەرکرن، وی دەمی ئاریشەیا
مووچەی دێ دووبارە پەیدا بیت.
ئەڤرۆ
چارشەمبیێ، فازل نەبی شوینکارێ بەرێتر یێ وەزارەتا داراییا عێراقێ د ناڤینا رۆژا ئێن
ئاڕ تی دا ڕاگەهاند، بۆ چارەسەرکرنا ئاریشەیا مووچەیێ مووچەخۆرێن هەرێمێ، بەغدا
رژدە ژ پشت بەستن ب بڕیارێن دادگەها فیدرالی و جێبەجێکرنا ب بەنکیکرنا مووچەیێ
مووچەخۆرێن هەرێمێ.
ئاماژە ب وێ
یەکێ ژی کر، وەزارەتا داراییا عێراقێ دڤێت ب رێکا بەنکێن فیدڕالی وەکی د بڕیارا
دادگەها فیدرالی دا هاتی ئاریشەیا مووچەی چارەسەر بکەت نە ب رێکا هەژمارا من ژبەر
وێ چەندێ تا نها چ رێکەفتن لسەر وی بابەتی نەهاتینە کرن.
بەحسا وێ
یەکێ ژی کر، ئەگەر ئاریشەیێن دناڤبەرا هەرێم و بەغدا بەردەوام بن، وی دەمی جارەکا
دی ئاریشەیا مووچەی دێ پەیدا بیت، گۆت ژی، "شاندێ هەرێمێ خودان بڕیار و کەسێن
پسپۆر تێدا نینە ژبەر وێ چەندێ ناگەهنە چ رێکەفتنەکێ و وەکی دەمێ دەربازبووی
رێکەفتنێن زارەکی دبن ب بێ چ چارەسەریەکێ".
ئەویەک ژی
بەرچاڤ کر، مووچەیێ مەها چار ژبەر داخازیا دادگەها فیدرالی هاتیە هنارتن و ئەگەر ب
بەنکیکرنا مووچەی دەست پێ نەکەت وی دەمی ئاریشەیێن زێدەتر بۆ مووچەیێ مەها پێنج
دروست دبن، لێ دڤێت لدویف یاسایێ بهێنە چارەسەرکرن د سەرڕاستکرنا بودجەیێ
ئەڤسالەیێ عێراقێ دا.