AM:10:44:11/10/2021
1524 جار خوێندراوەتەوە
+
-
سەرۆک وەزیرێن عێراقێ ڕاگەهاند، ژدەرڤەی
وەلاتی سەرپەرشتیارێ دارایێ گروپێ چەکداریێ داعش ژ ئالیێ دەزگەهێ هەوالگێریێ هاتە
دەستەسەرکرن.
ئەڤرۆ دووشەمبی، مستەفا کازمی سەرۆکوەزیرێن
عێراقێ ڕاگەهاند، ددەمەکیدا چاڤێ دەزگەهێن ئەولەکاریێ لسەر پاراستنا هەلبژارتنان
بوو، بالێ هەوالگێریێ ژی گرانترین ئەرکێ خۆ جێبەجکر.
ئەوژی دیارکر، دەزگەهێ هەوالگێریێ کارینە
ژدەرڤەی وەلاتی داخازکری "سامی جاسم" سەرپەرشتیارێ دارایێ گروپێ
چەکدارێن داعش دەستەسەربکەن.
کازمی ئاماژە ب وێیەکێ ژی دایە، سامی جاسم
جێگرێ ئەبوبەکر بەغدادی، دامەزرێنەر و کەسێ ئێکێ یێ پێشیێ یێ گروپێ چەکدارێن داعش
بوو.
ڕاگەهاندن ددەمەکیدایە کو دوهی ئێکشەمبی،
پشتی کو ل بنگەهەکێ دەنگدانێ ل باژێرێ بەغدا دەنگێ خۆ دای، مستەفا کازمی د
کونگریەکێ رۆژنامەڤانی دا ئاماژە ب وێیەکێ کر "رۆژا دوو شەمبی دێ مزگینیەکێ
ڕاگەهینین".
گروپێ چەکدارێن داعش ل سالا ٢٠١٤ێ لسەر دەستێ
ئەبوبەکر بەغدادی هاتە دامەزراندن و ددەمەکێ کورت دا کاری دەست بسەر گەلەک ژ ئاخا
عێراق و سوریادا بگریت.
