AM:08:39:11/10/2021
804 جار خوێندراوەتەوە
+
-
ئەڤرۆ شەمبی، بهایێ ئێک بەرمیلا پەترۆلا خاڤا برێنت لدیڤ بازاڕێ
پەترۆلا جیهانی ب ٨٣ دۆلار و ٧٦ سەنتان بازاڕ پێ دهێتە کرن، بڤێ ژی هەڤبەر دگەل
دوهی بهایێ ئێک بەرمیل زێدەتری دۆلارەک و ٢٢ سەنتان بلندبوویە.
هەڤدەم،
بهایێ بەرمیلەکا پەتڕۆلا خاڤا ئەمریکی ژی ٨٠ دۆلار و ٩٧ سەنتان بازاڕ پێ دهێتەکرن.
ئەڤە
ژی د دەمەکێ دایە، بلنترین ئاستێ بهایێ پەتڕۆلا خاڤا برێنت ل سالا ٢٠١٨ هاتە
تومارکرن کو ٧٦ دۆلار و ٤١ سەنت بوو.
ل گۆرەی پێشبینیان ئەڤ سالەدا هەڤبەر ب سالا
دەربازبووی، خواست لسەر پەترۆلێ دێ زێدەکەت و بۆ ٩٦ ملیۆن و ٤٠٠ هزار بەرمیلان د
رۆژەکێ دا دێ بلندبیت.
هەڤدەم، ئیحسان عەبدولجەبار، وەزیرێ پەترۆلا
عێراقێ د داخویانیەکێ دا بۆ ئاژانسا نووچەیێن عێراقێ ئاماژە ب بەردەوامبوونا
هەناردەیا زێدەتر یا پەترۆلا عێراقێ کر ب رێژا ٤٠٠ هزار بەرمیلان د مەهەکێ دا و
گوت ژی، "بزاڤەکا نیڤدەولەتی د هەبوونێ دایە بۆ هێلانا بهایێ پەترۆلێ ل
دەوروبەرێن ٧٠ دۆلاران".