AM:09:24:04/03/2023
1004 جار خوێندراوەتەوە
+
-
رێڤەبەریا شینوارێن دهۆکێ ڕاگەهاند، هەر کەسێ
دبیتە ئەگەرێ تێکدان یان نەشرینکرنا جهێن کەڤنار و شینواری دێ سکالایێ دژی وان تومار
کەین.
د.بێکەس بریفکانی رێڤەبەرێ شینوارێن دهۆکێ ڕاگەهاندنەک
بەلاڤکر و دناڤدا هاتیە، ل پارێزگەها دهوکێ زێدەتری ٢٠٠٠ جهێن شینواری هەنە ب
ساناهی نینە ل هەمی جهان پاسەوان و کامیرێن چاڤدێریێ بهێنە دانان ژبەر وێ دڤێت خەلک
هاریکار بن و هەست ب بەرپرسیاریێ بکەن بۆ پاراستنا ڤان جهان.
ئاماژە ب وێ ژی کریە، ئەڤە بۆ جارا دوویێ یە ئەڤ
جورە نڤیسینە ب ئامیر و کەرستێن تایبەت دهێنە ژێبرن لێ هەر دوبارە و سێ بارە هندەک
خەلک بەردەوامە ژ نڤیساندنا وان جهان ژبەر وێ هەر کەسێ ئەڤ کارە ئەنجام دای دڤێت
بگەهیتە سزایێ خو.
ل داویێ وی رێڤەبەری گۆت، دێ بزاڤان کەین ل ئایندەکێ
نێزیک پەرجان و کامیرەیان ل وان جهان دانێین و دێ سکالایێ دژی وان کەسان تومار کەین
کو وان جهان تێکددەن.
