PM:07:58:07/08/2024
956 جار خوێندراوەتەوە
+
-
بەرەڤانیا باژێرێ زاخۆ
ڕاگەهاند، بەری دەمەکێ کێم ل زاخۆ کەسەک ب رەگەز عەرەب کو ئاکنجیێ زاخۆ بوو د
رویبارێ خابیری دا خەندقی.
ئەڤرۆ چارشەمبی، بەرەڤانیا باژێرێ زاخۆ ڕاگەهاند، دەمژمێر ٥:٣٠ خۆلەکی
ئێڤاری کەسەکێ ب نەتەوە عەرەب د رویبارێ خابیری دا ل زاخۆ خەندقی.
ئاماژە ب وێیەکێ ژیکر، ئەو کەسە ب نەتەوە عەرەبە و ئاکنجیێ زاخۆ یە (نیو
زاخۆ) ژیێ وی ١٥ سالن.
ئەو یەکژی بەرچاڤکر، تەرمێ وی هاتیە دەرئینان و د نها دا هاتیە رەوانەکرن
بۆ نۆژداریا داد ل زاخۆ.
هەر ئەڤرۆ، بێوار عەبدولعەزیز
پەیڤدارێ بەڕەڤانیا باژێرێ دهۆکێ بۆ دیجیتال میدیایا ئێن ئاڕ تی ئاماژە ب وێ یەکێ
کر، ل ناحیا شێلادزێ د ئاڤا رویڤبارێ شێن دا گەنجەکێ ٢٢ سالی خەندقی.
گۆت ژی، ئەو گەنجێ خەندقی ئاکنجیێ دوکانە و ب مەرەما گەشتێ دگەل برایێ خۆ
سەرەدانا وێ دەڤەرێ کربوو.
بەحسا وێ یەکێ ژی کر، پشتی کو ئەو گەنج دکەڤیتە ئاڤێ دا و برایێ وی د
هەوارا وی دا دچیت و مەترسی لسەر ژیانا وی ژی دروستبوویە.
ئەویەک ژی بەرچاڤ کر، د وێ بوویەرێ دا گەنجەکێ ٢٢ سالی خەندقی و برایێ وی
ژی ژ لایێ تیمێن نوقمڤانان هاتە رزگارکرن.
ئەڤە د دەمەکی دایە، ب تنێ د ئەڤسالە دا ل سنورێ پارێزگەها دهۆکێ نەهـ کەس
خەندقینە و ١٢ کەس ژی هاتینە رزگارکرن.
تائیف گۆران - دهۆک