PM:06:40:04/12/2021
736 جار خوێندراوەتەوە
+
-
ڕیاڵ مەدرید لە هەنگاوێکی چاوەڕواننەکراودا
دەستپێشخەری دەکات بۆ پێشکەش کردنی گرێبەستێک بە لینگاردی یاریزانی
مانچستەریونایتد.
ڕۆژنامەى ئێکسپرێسی بەریتانی ئاشکرایکرد، یانەى
ڕیاڵ مەدرید بۆ بەدەستهێنانی تواناکانی بیر لە پێشکەش کردنی گرێبىەستێک دەکاتەوە
تا پێشکەشی لینگاردی یاریزانی مانچستەریونایتد بکات کە لە کۆتایی ئەم وەرزەدا
گرێبەستەکەى لە ئۆڵد ترافۆرد کۆتایی دێت.
ئێکسپرێس ئەوەشی ئاشکراکرد، بەرپرسانی ڕیاڵ
مەدرید لە تواناکانی لینگارد ڕازین، پاش ئەوەى لە نیوەى دووەمی وەرزی ڕابردوو بە
خواستن چووە وێستهام و توانی لە 16 یاریدا نۆگۆڵ تۆماربکات و تیپی شاهانەش ئاواتە
خوازن سەرکەوتوو بن لە گواستنەوەى بۆ بێرنابیۆ چونکە یاریزانەکە لە هاویندا
سەربەست دەبێت و خەرجییەکی ئەوتۆ ناکەوێتە سەر شانی یانە ئیسپانییەکە.
گرێبەستی لینگارد لەگەڵ مان یۆ لە هاوینی 2022
کۆتایی دێت و بەهۆی فەرامۆشکردنی لە مانچستەر یونایتد، بڕیاری ڕۆیشتنی داوە،
هەرچەندە بەرپرسانی یانەکە پێچەوانەى یاریزانەکە بیردەکەنەوە و دەیانەوێت بە
گرێبەسـتێکی نوێ هەوڵی مانەوەى بدەن.