لاپۆرتا هەواڵێکی تایبەت بە میسی ڕەتکردەوە

PM:01:33:03/12/2021

3484 جار خوێندراوەتەوە

+ -

لاپۆرتا باس لە چارەنووسی دیمبلی دەکات و ڕاستییەکیش دەربارەى میسی دەدرکێنێت.

لە لێدوانێکدا بۆ کەناڵی TV3 ی ئیسپانی، لاپۆرتای سەرۆکی بەرشەلۆنە ئاشکرایکرد، شەوی ڕابردوو بۆ سێ کاتژمێر ئەلیمانی یاریدەدەرى لەگەڵ سیسکۆی بەڕێوەبەری کارەکانی دیمبلی بە ئامانجی درێژکردنەوەى گرێبەستەکەى کۆبووەتەوە و لەوە دڵنیابوون کە یاریزانەکە دەیەوێت لە کامپ نۆ بەردەوام بێت و تەنها ڕێککەوتن لەسەر لایەنی دارایی بۆ درێژکردنەوەى گرێبەستەکەى ماوە.

هەروەها وتیشی بە ڕای ئەو دیمبلی یەکێکە لە یاریزانە نایابەکان و ئاستی لە مباپێ بەرزترە، تایبەت بە تۆرێسی یاریزانی مانچستەر سیتیش، سەرۆکی بەرشلۆنە ئاشکرایکرد، تۆرێس بۆ کڕین پێشکەشیان کراوە و لە داهاتوودا وەڵامی خۆیان دەبێت و هەوڵی گواستنەوەى بۆ کامپ نۆ دەدەن.

لە درێژەى لێدوانەکەشى بۆ TV3، لاپۆرتا ڕەتیکردەوە داوای لە میسی کردبێت بە خۆڕایی یارییان بۆ بکات و ئەوەى بڵاوکراوەتە بێ بنەمایە و کارێکی گەمژانەیە، ئاشکراشیکرد بە وەرگرتنی تۆپی ئاڵتونی لە لایەن میسییەوە دڵخۆش بووە، چونکە میسی زۆربەی ژمارەکانی کە لە 2021 دا تۆماریکردوە یاریزانی یانەکەیان بووە ، هەمیشەش دەرگایان بۆ میسی کرایەوە چونکە یانەکەى و شاری بەرشەلۆنەش نیشتیمانی دووەمی ئەوە.