AM:10:40:29/11/2025
44 جار خوێندراوەتەوە
+
-
ئەلۆنسۆ پێداگرە لەسەر گواستنەوەی کینان
یەڵدز و داوای کردووە بە هەر نرخێک بێت پەلکێشی پێکهاتەکەی بکەن.
لە ماوەی رابردوودا، رۆژنامەکان
بڵاویانکردەوە، یانەی ریاڵ مەدریدی ئیسپانی چاودێری کینان یەڵدزی ئەستێرەی تورکی و
یانەی یۆڤانتۆسی ئیتاڵی دەکات لەرێگەی نوێنەرەکانیەوە.
رۆژنامەی لاگازێتا دیللۆ سپۆرت
ئاشکرایکرد، چابی ئەلۆنسۆی راهێنەری ریاڵ مەدرید لە کاتی کۆبونەوەی لەگەڵ
ئەندامانی کارگێڕی یانەکەی پێداگری کردووە لەسەر گواستنەوەی ئەستێرە تورکیەکە بۆ
پێکهاتەکەی.
لاگازێتا ئاماژەی بەوەداوە، ئەلۆنسۆ زۆر
سەرسامە بە ئاست و توانا و جوڵە و شێوازی یارییکردنی کینان یەڵدز و دەیەوێت بە
گواستنەوەی هێڵی ناوەڕاستی یانەکەی پێ بەهێز بکات و بیکاتە گۆڵ دروستکەر لە پێکهاتەکەیدا.
رونیشیکردووەتەوە، بەرپرسانی یانەی شاهانە
بەڵێنیان داوە هەموو هەوڵێک بکەن لەپێناو رازیکردنی ئەو یاریزانە تا گرێبەست لەگەڵ
یانەکەیان ئیمزابکات لە هاوینی ساڵی داهاتوودا.
ئەو رۆژنامەیە دڵنیاییداوە لەوەی کە گواستنەوەی
کینان یەڵدز کارێکی ئاسان نییە بەهۆی ئەوەی گرێبەستەکەی لەگەڵ یۆڤانتۆس لە هاوینی
2029 کۆتاییدێت و ئەو یانەیەش بەنیازن گریبەستەکەی نوێبکەنەوە و مەرجی
هەڵوەشاندنەوەی گرێبەستەکەشی زیادبکەن.
ئەو یاریزانە نرخی ئێستای لە بازاڕی
گواستنەوەی یاریزاناندا 75 ملیۆن یۆرۆیە و تا ئێستاش 100 یاریی بۆ یانە ئیتاڵیەکە
ئەنجامداوە، 19 گۆڵی تۆمارکردووە و 16 ئەسیستی هەیە.
خ . ک