PM:11:16:28/11/2025
96 جار خوێندراوەتەوە
+
-
کۆمپانی رایگەیاند دەبێت لە شکستی
یارییەکەی ئارسناڵ وانە فێرببن و یارییەکەیان بەرامبەر سانت پاولی ئاسان نابێت.
ڤینسێنت کۆمپانی راهێنەری بایرن میونشن،
پێش یارییەکەیان بەرامبەر سانت پاولی دوپاتیکردەوە، پێیوایە گرنگترین شت بۆیان ئەوەیە
کە جیاوازی ناکەن لە نێوان ئارسناڵ و سانت پاولی لە ئامادەکارییەکاندا، بێگومان لەیاریگای خۆیان یاریی دەکەن نەک لە
دەرەوەی یاریگا، بەڵام کاتێک سەیری سانت پاولی دەکەیت، دەتوانیت بزانیت چی پێشکەش دەکەن.
وتیشی: لەم
دواییانەدا دووجار بەرامبەریان یارییمان
کردووە و قورس بووە، دەزانین
ئاسان نابێت، تەنانەت ئەگەر هەشت جار لەسەریەک دۆڕابن، ڕەنگە یارییەکەی بایرن بۆ
ئەوان جیاوازبێت، چونکە
فشاری کەمیان لەسەرە.
کۆمپانی وتی: سەیرکردنەوەی یاریی ئارسناڵ
یارمەتیدەرمان دەبێت، پێموایە دوای یارییەکە زۆر
بەخێرایی دەچیتە یارییی داهاتوو،
بەڵام ناتوانین بەرەو پێشەوە بچین بەبێ ئەوەی فێربین لێی.
دەشڵێت: شتێکی
باشە کە بتوانین دوای سێ ڕۆژ جارێکی تر ئەوەی هەمانە نیشانی بدەینەوە، هەرگیز
نامانەوێت دۆڕانمان قبوڵ بکەین، بەڵام
دەبێت بزاین کە شکستیش بەشێکە لە تۆپی پێ.