PM:01:14:22/11/2025
112 جار خوێندراوەتەوە
+
-
نۆرێس پلەی یەکەمی کۆتا قۆناغی پاڵاوتنی
فۆرمولا وەنی لاس ڤیگاسی بەدەستهێنا و ڤێرستاپن لە پلەی دووەمدا بوو.
پێشبڕکێی فۆرمولا وەنی لاس ڤیگاسی ئەمریکا
بەردەوامی هەیە و لە کۆتا قۆناغی پاڵاوتنەکاندا، لاندۆ نۆرێسی بەڕیتانی توانی پلەی
یەکەم بەدەستبهێنێت و ببێتە شۆفێری یەکەم لە قۆناغی یەکلاکردنەوەی خەڵاتەکەدا.
نۆرێس کە لە تیمی ماکلارێنە ماوەی
پێشبڕکێکەی بە یەک خولەک و 47 چرکە و لە هەزاردا 934 چرکە بڕی بە جیاوازی تەنها لە
هەزاردا 323 چرکە لەگەڵ ماکس ڤێرستاپنی دووەم.
هەریەکە لە کارلۆس ساینز لە تیمی ویلیامز
و جۆرج رۆسێلی بەریتانی لە تیمی مێرسیدێس و ئۆسکار پیاستری شۆفێری تیمی ماکلارێن
لە پلەکانی سێیەم و چوارەم و پێنجەمی پێشبڕکێکەدا بوون.
لە کاتی پێشبڕکێکەدا، کێبڕکێیەکی بەهێز لە
نێوان شۆفێرانی هەردوو تیمی ماکلارێن و رێد بوڵ بوونی هەبوو، چاوەڕێش دەکرێت لە
قۆناغی بەدەستهێنانی خەڵاتەکەشدا هەمان کێبڕکێ دروست ببێت.
خ . ک