AM:10:31:18/11/2025
188 جار خوێندراوەتەوە
+
-
یۆڤانتۆس دەیانەوێت بۆ رێگریکردن لە رۆیشتنی یەڵدز
گرێبەستەکەی نوێ بکەنەوە و مووچەکەی بۆ زیاد بکەن.
پاش ئەوەی ئاستی کینان یەڵدز بەرێژەیەکی بەرچاو
بەرەوپێشچوونی بەخۆیەوە بینیوە هەربۆیە یانە گەورەکانی جیهان لەناویاندا ریاڵ
مەدرید و چێڵسی و مانچستەر یونایتد ئارەزووی گواستنەوەی دەکەن.
لە نوێترین پێشهاتدا رۆژنامەی لاگازێتا دیلۆ سپۆرت
بڵاویکردووەتەوە کە بەرپرسانی یۆڤانتۆس لە ترسی ئەم هەوڵانەی یانە گەورەکان
دەیانەوێت گرێبەستی یەڵدز نوێ بکەنەوە و مووچەکەشی بۆ زیاد بکەن.
لەلایەکیترەوە یاریزانەکە تاوەکوو ئێستا بڕیاری کۆتایی
سەبارەت بە داهاتووی خۆی نەداوە و پێشبینی دەکرێت چاوەڕوانی ئەنجامەکانی یۆڤانتۆس
بکات لە کۆتایی وەرزدا و ئەگەر باشبێت بمنێتەوە و بەپێچەوانەوەبێت گرنگی بە ئۆفەری
یانە جیاوازەکانی ئەوروپا دەدات.
ئەستێرە تورکییەکە لەگەڵ تیپی یەکەمی خانمە پیرەکە
بەشداری 98 یاریی کردووە و لەوماوەیەدا توانیوێتی 19 گۆڵ و 15 ئەسیست تۆماربکات.