PM:11:30:09/11/2025
248 جار خوێندراوەتەوە
+
-
ئەلۆنسۆ دوپاتیکردەوە
دەگەڕێنەوە لوتکەی ئاستیان و هێشتا پێویستان بە پێشکەوتنی زیاترە.
پاش ئەوەی لەگەڵ رایۆ
ڤایکانۆ یەکسانبوون و سێ خاڵی گرنگیان لەدەستدا، چابی ئەلۆنسۆی راهێنەری ریاڵ
مەدرید رایگەیاند، هەمیشە لە یاریگای ڤایکانۆ کێشەیان هەبووە و لە یارییەکەشدا
ریتمێکی خێرا بینراوە.
وتیشی: دوای یارییەکەی ئەنفێڵد ویستمان ئاستێکی باش پێشکەش بکەین، بەڵام
کۆنتڕۆڵکردنی یارییەکە لەم یاریگایەدا قورسە، دەزانین خولەکە ڕێگایەکی دووری ماوە
و دەبێت یاریی لەدوای یاری بەرەو پێشەوە بچین، لەم یارییەدا هەموو شتێکمان کرد
بەڵام نەمانتوانی سەرکەوتن بەدەستبهێنین.
باسی لەوەشکرد، نیگەرانە
چونکە باش دەزانێت تیپەکەی پێویستی بە گەشەسەندن و پێشکەوتنی زیاتر هەیە بەڵام
هێشتا مانگی 11یە و رێگایەکی دوورودرێژیان لە پێشە بۆ باشتر بوون.
ئەلۆنسۆ دانیبەوەدا نا،
لە تایمی دووەم یارییەکەیان خراپ بووە و لە دەست دەرچووە، بەڵام دوپاتیشیکردەوە هێشتا
کاتێکی زۆریان لە پێشە و ریزەکانیان بە تەواوی رێکدەخەنەوە و دەگەڕێنەوە بۆ لوتکەی
ئاستیان.
وتیشی: هێرشبەرەکانمان
کێشەیان نەبوو لەبەر ئەوەش گۆرانکاریم پینەکردن، وە بارودۆخی ڤاڵڤێردیش باشە و لە
یارییەکەدا پێویست بووە یاری بە ئارنۆڵد بکەم.