میلان گرێبەستی سێ یاریزانی نوێدەکاتەوە

PM:12:12:13/11/2021

652 جار خوێندراوەتەوە

+ -

میلان بە نیازە گرێبەستی سێ یاریزانی یانەکەی نوێبکاتەوە لە پێناو پارێزگاری کردنیان لە هەوڵی یانەکانی تر.

ڕۆژنامەی لاگازێتا دیللۆ سپۆرتی ئیتاڵی بڵاویکردەوە، بەرپرسانی یانەی ئەی سی میلانی ئیتاڵی ترسیان هەیە لە هەوڵەکانی یانە گەورەکانی ئەوروپا لە پەلکێشکردنی سێ یاریزانی یانەکەیان لە وەرزی داهاتوودا.

ڕۆژنامەکە ئاشكرایکردووە، کارگێڕی یانە ئیتاڵیەکە لە ئێستاوە هەوڵەکانی دەستپێکردووە بۆ درێژکردنەوەی گرێبەستی سێ یاریزانی یانەکەی بۆ ئەوەی پارێزگارییان لێبکات و لە ڕیزەکانی یانەکەیان بیانهێڵنەوە.

ئاماژەی بەوەشداوە، ئەو سێ یاریزانەی کە یانەکە دەیەوێت پارێزگاریان لیبکات تیۆ هێرناندێزی بەرگریکاری چەپ و ئیسماعیل بن ناسری ناوەراستکار و رافاێل لیاوی هێرشبەرن.