PM:07:11:23/11/2024
84 جار خوێندراوەتەوە
+
-
لە خولی ئیتاڵیا ئینتەر میلان بە پێنج گۆڵی بێوەڵام گۆڵبارانی هیلاس
ڤیرۆنای کرد و بە کاتی چووە پێشەنگ.
لە یارییەکانی هەفتەی 13ی خولی ئیتاڵیا یانەی ئینتەر میلان لە دەرەوەی
یاریگای خۆیدا بووە میوانی هیلاس ڤیرۆنا.
تایمی یەکەم، تیپەکەی ئینزاگی رەحمی بە خاوەن ماڵ نەکرد و پێنج گۆڵی لێ
تۆمارکرد، گۆڵەکانیش لە خولەکەکانی 17 و 22 و 25 و 31 و 41 لە رێگەی کۆریا گۆڵێک و
تۆرام دوو گۆڵ و ستیڤان دیفری و یان ئۆرێل بیسیک هەریەکە و گۆڵێک تۆمارکران.
لە تایمی دووەم، هیلاس ڤیرۆنا بەگرییەکی چڕتری کرد و ئینتەر میلانیش بە ئاسوودەیی
یاری دەکرد، بۆیە لەو تایمەدا هیچ گۆڵێک تۆمار نەکرا.
سەرەنجام یارییەکە بە پێنج گۆڵی بێبەرامبەر لە سودی ئینتەر میلان کۆتایی
هات، بەو ئەنجامە بە کۆکردنەوەی 28 خاڵ نێرازۆری بە کاتی چووە پێشەنگ و هیلاس ڤیرۆنا
بە 12 خاڵ پلەی 14ی گرتووە.
بیلال کاکە