لێدوانی فێدرێر دەربارەی گەڕانەوەی

AM:11:31:21/09/2021

280 جار خوێندراوەتەوە

+ -

فێدرێر ڕایگەیاند کە چارەسەری پێکانەکەی هەنگاو بە هەنگاو دەڕوات و بەمنزیکانە ناگەڕێتەوە.

ڕۆجەر فێدرێری سویسری ئەستێرەی تۆپی تێنسی جیهانی ڕایگەیاند کە گەڕانەوەی بۆ یاریگاکان نزیک نیە و دوپاتیکردەوە کە قۆناغە سەختەکە تێپەڕاندوە چونکە لەپێکانەکەی ئەژنۆی ڕاستی چاکبووەتەوە.

فێدرێر لە لێدوانێکی ئاماژەی بەوەکرد کە لەبارودۆخێکی باشدایە و پڕۆسەی چاکبوونەوەی پێکانەکەی هەنگاو بە هەنگاو بەرەوەپێش دەچێت.

هەروەها وتیشی: قۆناغە سەختەکانم تێپەڕاندووە چاوەڕێین بزانین لە داهاتوو چی ڕوودادات، کاتێک لە پیکان دەگەڕێیتەوە ئەوا هەموو ڕۆژێک باشترینە بەلاتەوە و سەرەڕای ئەو هەموو نەشتەرگەیانەش بەڵام لەڕووی دەروونیەوە کار تێنەکردووم.

لەکۆتایشدا وتی: گەڕانەوە بۆ ڕکابەریەکان وەک تەحەدایەک وایە بۆم چونکە دەمەوێت ئاستی خۆم بگەڕێنمەوە و دەستبکەمەوە بەڕاهێنانەکان بەڵام دانی بەوەشدانا کە ئەو کارە پێویستی بە ئارامگرتنە.