هازارد هەموو شتێکی بۆ هاندەرانی ڕیاڵ مەدرید ئاشکراکرد

AM:09:42:04/09/2021

2392 جار خوێندراوەتەوە

+ -

هازارد دڵخۆشی خۆی لە ڕیاڵ مەدرید دوپاتکردەوە و دەیەوێت لەگەڵ یانەکە بەردەوام بێت.

لە چاوپێکەوتنێکیدا لەگەڵ ڕۆژنامەی مارکای ئیسپانی، ئیدین هازاردی بەلجیکی و یاریزانی یانەی ڕیاڵ مەدریدی ئیسپانی دڵخۆشی خۆی لەگەڵ یانەکەی دوپاتکردەوە.

هازارد وتی:ئەو قسەیە ڕاست نییە کە دەڵێن من دڵخۆش نیم لێرە، دڵنیابن بە پێچەوانەوەیە و بەڵام هەمووتان ئەو راستیە دەزانن کە یاریزان کاتێک خۆشحاڵ دەبێت کە بەشداری یارییەکان دەکات.

وتیشی: دەزانن یاری زۆرم نەکردووە لە ڕیاڵ مەدرید و گۆڵی زۆریشم نەکردووە بەڵام ئەوە کاری نەکردوەتە سەر خۆشەویستی من بۆ یانەکە دەمەوێت لە مەدرید بەردەوام بم و شارەکەشم خۆش دەوێت.

ئاماژەی بەوەشدا لەماوەی ڕابردوودا دۆخەکە کەمێک ئاڵۆز بوە بە هۆی ڤایرۆسی کۆرۆنا و پێکانەکانەوە، دەمەوێت لە وەرزی نوێدا هاندەرانی یانەکە دڵخۆش بکەمەوە وەک ئەوەی ئەوان دەیانەوێت.

هازارد: کاتێک گۆڵ تۆماردەکەم پێکەنین دەگەڕێتەوە بۆ من و هاندەرانیش، دەمەوێت خۆم و ئەوانیش دڵخۆشبکەم بەڵام پێویستم بە کەمێک کاتی زیاترە.

خ . ک