ڤیدیۆ.. خولى نایابى عێراق.. نەورۆز لە هەولێرى بردەوە

PM:07:05:23/06/2022

388 جار خوێندراوەتەوە

+ -

لە خولى نایابى عێراق، نەورۆز بە گۆڵێکى بێ بەرامبەر لە هەولێرى بردەوە و سەرکەوتنى بۆ پلەى هەشتەم بەدەستهێنا.

لە هەفتەى 37 و پێش کۆتایى خولى نایابى تۆپى پێى عێراق، یانەى نەورۆز لە یاریگاى زانکۆ لە سلێمانى، میواندارى یانەى هەولێرى کرد.

نەورۆزى خاوەن یاریگا و هاندەر بە گۆڵێکى بێ بەرامبەر یارییەکەى بردەوە و تاکە گۆڵەکەش بنیامین ئۆکۆرۆنکۆ لە خولەکى 33دا تۆماریکرد.

بەم ئەنجمە، نەورۆز بە کۆکردنەوەى 51 خاڵ سەرکەوتنى بۆ پلەى هەشتەمى ڕیزبەندى خولەکە بەدەستهێنا و هەولێریش بە 44 خاڵ و بەکاتى لە پلەى 11یەمدا ماوەتەوە.

لە هەفتەى 38 و کۆتایى خولى نایابى عێراقدا، نەورۆز دەبێتە میوانى نەفتى بەسڕە و هەولێریش میواندارى کەرخ دەکات و زاخۆش لە دەرەوەى یاریگاى خۆیدا ڕووبەڕووى نەفتى میسان دەبێتەوە.

گ . ف


May be an image of 8 people and people standing
May be an image of 9 people, people standing, outdoors and crowd