PM:06:04:29/05/2022
656 جار خوێندراوەتەوە
+
-
لە خولی نایابی عێراق نەورۆز بردنەوەی بەسەر نەجەف بەدەستهێنا و زاخۆش
لەگەڵ نەفتی وەسەت یەکسانبوو.
لە یارییەکانی هەفتەی 33ی خولی نایابی عێراق، یاەی نەورۆز لە یاریگای خۆی
میوانداری یانەی نەجەفی کرد.
لە تایمی یەکەمدا و لە خولەکەکانی چوار و 29 ئاسۆ رۆستەم دوو گۆڵی بۆ
نەورۆز کرد و ئەو تایمەی بە دوو گۆڵی بێبەرامبەر لە سوودی یانەکەی کۆتایی پێهێنا.
لە تایمی دووەمدا و لە خولەکی 67 موعین ئەحمەد گۆڵێکی بۆ نەجەف کرد و
سەرەنجام یاریەکە بە دوو گۆڵ بەرامبەر گۆڵێک لە سوودی نەورۆز کۆتاییهات.
لە یاریەکی تریشدا، یانەی زاخۆ لە یاریگای خۆی رووبەرووی یانەی نەفتی وەسەت
بوەوە و یاریەکەشیان بە یەکسانی و بە بێ گۆڵ کۆتاییهات.
بەم ئەنجامانە، نەورۆز خاڵەکانی گەیاندە 45 خاڵ و چوە پلەی هەشتەمی
ریزبەندی، زاخۆش بە 44 خاڵ دابەزی بۆ پلەی نۆیەم.
یانەی نەورۆز لە کۆتا پێنج یاری لە خولی نایابی عێراق چوار بردنەوەی
بەدەستهێناوە و لە یەک یاریشدا یەکسانبوە.
خ . ک