مۆلەر بە شێوەیەكی جیاواز باسی كریستیانۆ رۆناڵدۆ دەكات

PM:11:39:26/05/2022

528 جار خوێندراوەتەوە

+ -

تۆماس مۆلەری ئەڵمانی و هێرشبەری یانەی بایرن میونشن ستایشی کریستیانۆ رۆناڵدۆی پورتوگالی و یاریزانی یانەی مانچستەر یونایتدی ئینگلیزی دەکات و بە دیاردە ناوی دەبات.
مۆلەر لەلێدوانێکدا بە رۆژنامەی مارکای راگەیاندوە: "کریستیانۆ یاریزانێکی نایاب و کەم وێنەیە".
وتوشیەتی: "هەمومان دەزانین رۆناڵدۆ یاریزانێکی ئاسایی نییە، ئەو لەدەرکەوتن و نمایشە وەرزشیەکانیدا دیاردەیە".
مۆلەر بەردەوام بوە لە ستایشی رۆناڵدۆ و وتویەتی: " گەر کاری بەردەوام و ماندوهێنەر نابێت ناتوانیت بۆ ماوەی چەند ساڵێکی یەک لەدوای یەک بەو ئاستە بەرزە دەربکەویت و ئەو ژمارە زۆرەی گۆڵ تۆماربکەیت، ئەو چەندین تایبەتمەندی جەستەی و هونەری نایابی تێدایە، ئەوەی زیاتر سەرنجی راکێشاوم لێدانە سەرەکانیەتی".
لەکۆتایشدا لەسەر رۆناڵدۆ و مێسی هێرشبەرەکەی بایرن وتویەتی: "ئەو دو یاریزانە لەهەموان جیاوازترن و لەسەروی تەواوی یاریزانانی تۆپی پێوەن".