ڤیدیۆ.. لە مۆندیالی تۆپی دەست ئیسپانیا و هەنگاریا بۆ چارەکی کۆتایی

ڤیدیۆ.. لە مۆندیالی تۆپی دەست ئیسپانیا و هەنگاریا بۆ چارەکی کۆتایی
2021-01-27

331 جار خوێندراوەتەوە

+ -

لە مۆندیالی تۆپی دەست ئیسپانیا  لە هەنگاریای بردەوە و پۆڵەندە و ئەڵمانیا یەکسانبوون.

لە دوا یارییەکانی  جەولەی سێیەمی کۆمەڵەى یەکەمی مۆندیال، کە وڵاتی میسر میوانداری دەکات.

 هەڵبژاردەى ئیسپانیا  بردنەوەیەکی گرنگی دەستبەرکرد پاش ئەوەى بە جیاوازی هەشت گۆڵ و بەئەنجامی 36 گۆڵ بەرامبەر 28 گۆڵ لە هەڵبژاردەى هەنگاریای بردەوە.

بەو بردنەوەیە ئیسپانیا بە کۆکردنەوەى نۆ خاڵ و بە یەکەمی کۆمەڵەى یەکەم گەیشتە قۆناغی چارەکی کۆتایی کە تیایدا ڕووبەڕووی نەرویچ دەبێتەوە، هەنگاریاش سەرەڕای ئەوشکستە گەیشتە هەمان قۆناغ  و بەرامبەر فەڕەنسا یاریدەکات .

لە یارییەکی تری هەمان کۆمەڵە، هەڵبژاردەى ئەڵمانیا  لە دوا یاری خۆی بەرامبەر پۆڵەندە یاریکرد و یارییەکەی نێوانیان بە یەکسانبوون و بەئەنجامی 23 گۆڵ بۆ هەرلایەکیان کۆتایی هات و نەیانتوانی بگەنە قۆناغی داهاتوو.