نوێترین چاوپێکەوتنی بارتۆمیۆی سەرۆکی یانەى بەرشەلۆنە

نوێترین چاوپێکەوتنی بارتۆمیۆی سەرۆکی یانەى بەرشەلۆنە
2020-07-26

2078 جار خوێندراوەتەوە

+ -

بارتۆمیۆی سەرۆکی یانەى بەرشەلۆنە لە چاوپێکەوتنێکدا باس لە نوێکردنەوەى گرێبەستەکەی میسی و داهاتوی راهێنەری یانەکەو ئامانجی سەرەکیان لەم وەرزەدا دەکات.

 

 

// بەرشەلۆنە هەمیشە پاڵێوراو بوە بۆ بەدەستهێنانی چامپیۆنز لیگ

 

// پێویستە سەرەتا بیر لە ناپۆلی بکەینەوە، بەڵام بەڵێ دەتوانین ببینە پاڵەوان

 

// پەیوەندیمان لەگەڵ چاڤی زۆر باشە بەڵام ئێمە سیتینمان هەیە و متمانەمان پێیەتی

 

// هەرگیز پشتی میسی بەرنادەین و بەردەوام یاریزانی نوێ دەخەینە پاڵییەوە

 

// ئەو کۆبونەوەیەى نێوان میسی و سیتین و رەخنە گرتن لە خۆیان شتێکی گرنگ بوو، تیپەکە یەکی گرتەوە و ئامانجی سەرەکیشمان هەموو نازناوەکانە

 

// بە دڵنیاییەوە خاوەنی یاریزانی بەتواناین و ئامانجمان نازناوی چامپیۆنز لیگە

 

// لیگا بە باشترین خولی جیهانی دادەنێم و بەکارهێنانی ڤار دەبێت باشتر بکرێت، ژمارەیەکی زۆر لە هەڵەى گەورە تۆمارکراون

 

// راهێنەرێکمان هەیە کە ساڵێک کارکردنی ماوە لەگەڵمان و رێزی دەگرین، پێموایە لەتوانایدا هەیە چامپیۆنزلیگ بۆ تیپەکەمان بەدەست بهێنێت

 

// زۆر جار لەگەڵ کاپتنەکانی بەرشەلۆنە قسە دەکەم بۆ چارەسەرکردنی کێشەکان

 

// قسەکانی میسی ورە بەرزکردنەوەى یاریزانەکان بوو بۆ بەدەستهێنانی چامپیۆنز لیگ پاش ئەوەى لا لیگا لەدەستچوو

 

// دیمبلی چانسێکی خراپی هەبوو، با بزانین چۆن دەگەرێتەوە، چونکە شەش مانگە دورکەوتۆتەوە، کاتێک پێکان دەوەستێت دڵنیام دەتەقێتەوە، کۆتینیۆ یاریزانێکی باشە، لەگەڵ بەرشەلۆنە نەگونجا بەڵام بزانین دواى گەرانەوەى چی دەبێت

 

// میسی زۆر جار وتویەتی دەیەوێت لە بەرشەلۆنە واز بهێنێت و بەردەوامیش دەبێت لەگەڵماندا

 

// نوێکردنەوەى بۆندی شتیگن یەکێکە لە کارە سەرەتاییەکانمان، یەکێکە لە باشترین سێ گۆڵچییەکانی جیهان

 

// سوپاسی یاریزانەکان دەکەم کە لە سێ مانگا موچەکەیان کەمکردەوە، چیتر کەم ناکرێتەوە

 

// ئەگەر ئاڵوگۆری یاریزان دروستنەبێت ئاستەمە بتوانیت نەیمار بگەرێنینەوە

 

 

// قسەمان لەگەڵ ئینتەرمیلان کرد لەبارەى لاوتارۆوە بەڵام هەموو شتێک وەستا، ئێستا تەرکیزمان لەسەر چامپیۆنز لیگە

 

// نازانم ئەگەر پەیوەندیە تەلەفۆنییەکەى پیرێز بۆ رۆبیالیس راست بوبێت، هیوادارم راست نەبێت، چونکە ئەگەر وابێت تۆپی پێ لە جیهاندا کێشەیەکی گەورەى هەیە

 

// وەک وتم ئەم بازاری گواستنەوەیە تەنها گۆرینەوە دەکەین، چونکە یەک یۆرۆ قازانجمان نیە