سەردێڕ:

سەفین دزەیی: ئەمریکا داوای روونکردنەوەی کردووە لەسەر دەستگیرکراوانی بادینان

فۆتۆ: 
2021-04-14

10578 جار خوێندراوەتەوە

بەرپرسی فەرمانگەی پەیوەندییەکانی دەرەوەی حکومەتی هەرێم رایگەیاند، "کونسوڵی ئەمریکا داوای روونکردنەوەیان کردووە سەبارەت بە دەستگیرکراوانی بادینان و ئێمە رونکردنەوەمان داوە"، دەشڵێت، "نیگەرانی نەبووە تەنها تێبینی و روونکردنەوە بووە."


سەفین دزەیی بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لە تاوتوێی ئێن ئاڕ تیدا رایگەیاند، "ئەو دەنگۆیانە ناڕاستن کە گوایە ئێمە چووین بۆ لای کونسوڵی وڵاتان بۆ رەواندنەوەی نیگەرانییەکانیان سەبارەت بە دەستگیرکراوانی بادینان."

ئەوەشی خستووەتەڕوو، "کۆنسوڵی وڵاتان فشاریان لێ نەکردووین سەبارەت بە دەستگیرکراوان لە زیندانیان."

سەفین دزەیی دەشڵێت، "کونسوڵی ئەمریکا داوای روونکردنەوەیان کردووە سەبارەت بە دەستگیرکراوانی بادینان و ئێمە رونکردنەوەمان داوە"، دەشڵێت، "نیگەرانی نەبووە تەنها تێبینی و روونکردنەوە بووە."

لە درێژەی بەرنامەکەدا راشیگەیاند، "بانگهێشتکردنی سەرۆکی هەرێم بۆ وڵاتانی دیکە بە مانای گرنگی و پێگەی دێت لە دەرەوە"، دەشڵێت، "لە دوای ریفراندۆم پێگە هەرێم لاواز نەبووە لە دەرەوە، بەڵکو پێگەی هەرێم جێگەی بایەخی وڵاتانی ئەوروپایە لە ئێستادا."

سەفین دزەیی باسی لەوەشکردووە، "هەرچەندە وڵاتانی زلهێز بە گرنگەوە سەیری هەرێم دەکەن بەڵام دەبێت هۆشیار بین بەرامبەریان."

بەرپرسی فەرمانگەی پەیوەندییەکانی دەرەوەی حکومەتی هەرێم وتیشی، "چەندین وڵات هەیە لە جیهاندا هێندەی هەرێم بە بایەخەوە سەیر ناکرێت."

بۆ بینینی تەواوی بەرنامەکە کلیک بکە

 

ئەوەش لەکاتێکدایە، لە ناوەڕاستی مانگی شوباتدا، لە دادگای هەولێر دادگایی پێنج رۆژنامەنووس و چالاکوانی بادینان بەڕێوەچوو، کە تیایدا بەپێی هەردوو ماددەی یەکی ژمارە ٢١ی ساڵی ٢٠٠٣ تایبەت بە هەوڵدان بۆ تێکدانی ئاسایشی نەتەوەیی سزای شەش ساڵ زیندانیان بەسەردا سەپێنرا.