محەمەد جەمیل مەیاحی پارێزگاری فەرمی پارێزگای واست لە ئێستادا لە بەغدا چارەسەر وەردەگرێت پاش ئەوەی توشی کۆرۆنا بووە و لەلایەن خۆپیشاندەرانەوە رێگەی لێگیراوە لەناو باڵەخانەی پارێزگادا کارەکانی راپەڕێنێت، بۆیە نزیکەی ساڵێکە لە باڵەخانەیەکی دیکە لە دەرەوەی ئەو پارێزگایە کارەکانی رادەپەڕێنێت.

هاوکات، نەبیل شممە پارێزگاری هەڵبژێردراو و داوالێکراو لەلایەن خۆپیشاندەرانەوە لەو رۆژەوەی دانراوە لەناو باڵەخانەی پارێزگا دەستبەکاربووە.

نەبیل شممە لە لێدوانێکیدا بۆ ئێن ئاڕ تی ئەوەی خستەڕوو، لەگەڵ خۆپیشاندەراندا رێکەوتووین لە پێناو خزمەتکردنی شارەکە کارەکانیان راپەڕێنن و پەیکەری یادەوەری ئازادی وەک مۆنۆمێنتی قوربانیانی شارەکە دروستدەکەن.

سەجاد سالم چالاکوان و یەکێک لە رێکخەرانی خۆپیشاندانەکان ئاماژەی بەوەداوە، باڵەخانەی پارێزگا رادەستی نەبیل شممە کراوە پاش ئەوەی لەگەڵ حکومەتی فیدڕاڵی رێککەوتن کراوە و وەک پارێزگاری واست لە ئێستادا کارەکانی رادەپەڕێنێت، بە مەرجی ئەوەی پارێزگا و دوو جێگرەکەی پێشوو نەچنە ناو باڵەخانەی پارێزگاوە.