سەردێڕ:

فەرماندەیی ناوەندیى ئەمریکا: پێویستە سوپاکەمان بە بەهێزیى لە عێراقدا بمێنێتەوە

فۆتۆ: 
2021-02-26

1320 جار خوێندراوەتەوە

فەرماندەى فەرماندەیی ناوەندیى ئەمریکا رایگەیاند، پێویستە سوپاى وڵاتەکەی بە بەهێزیى لە عێراقدا بمێنێتەوە تا رێگربێت لە دووبارە بەهێزبوونەوەى داعش بە تایبەت لە رووى توندڕەوکردنى منداڵانەوە.


کێنس مەکێنزى فەرماندەى فەرماندەیی ناوەندیى ئەمریکا هۆشداری ئەوەشیدا، ژمارەیەکى زۆر لە زیندانیانى داعش لە زیندانەکانى رۆژئاواى کوردستان ئەگەرى زۆر هەیە کە هەڵبێن ئەوەش گوڕێکى زۆر بەو رێکخراوە دەبەخشێت.

باسى لەوەشکردووە، ئەگەر نەتوانرێت ئاوارەکان ئاوێتەى کومەڵگە بکرێنەوە ئەوا لە داهاتوودا شاهیدى دەرکەوتنى نەوەى دیکەى داعش دەبن.

ئەو فەرماندەیەى ئەمریکا ئاماژەى بەوەشکردووە، ئەوان و هاوپەیمانەکانیان لەوانەش بەریتانیا بەردەوامن لە مەشقکردن بە هێزە عێراقییەکان، بەڵام ئەمە تەنیا ئاسایش دابیندەکات بۆ دابینکردنى سەقامگیری پێویستە ئەمریکا بونێکى بەهێزی سەربازى لەو وڵاتە هەبێت.

پێشتر، سیروان بارزانى فەرماندەی میحوەری مەخمور - گوێڕی هێزەکانی پێشمەرگە رایگەیاندبوو، زیاتر لە حەوت هەزار چەکداری سەر بە گروپی چەکداری داعش لە عێراقدان و بە نیازن لە کاتی سەرلەنوێ بڵاوبوونەوەی ڤایرۆسی کۆرۆنادا ریزەکانیان رێکبخەنەوە.

 

بەگوێرەی ئامارەکانی دەزگای روبەڕوبوونەوەی تیرۆری سەر بە نەتەوەیەکگرتوەکانیش، ژمارەی چەکدارانی داعش بە ١٠ هەزار چەکدار خەمڵێندراوە، لە کاتێکدا بەرپرسانی باڵای سەربازی ئەمریکا، ژمارەی چەکدارانی ئەو گروپە چەکدارییە بە ١٤ تا ١٦ هەزار چەکدار لە عێراق و سوریا دەخەمڵێنن.