سەردێڕ:

توركیا لە مانگێكدا حەوت هەزار داری زەیتوونی لە عەفرین بڕیوەتەوە

فۆتۆ: 
2020-12-03

2691 جار خوێندراوەتەوە

بەپێی هەواڵێكی میدیاكانی رۆژئاوای كوردستان، لە ماوەی مانگێكدا توركیا و گروپە سورییەکانی سەر بەو وڵاتە، حەوت هەزار داری زەیتونیان دەستبەسەردا گرتووە و دوای بڕینەوەیان گواستویانەتەوە بۆ تورکیا.

میدیاكانی رۆژئاوای كوردستان بە پشتبەستن بە زانیارییەكانی رێكخراوی مافی مرۆڤی عەفرین باسیان لەوەشكردووە، توركیا و گروپە چەكدارەكانی نزیك لێی لە ١٨ی ئازاری ٢٠١٨ەوە كە عەفرینیان داگیركردووە، دەستیانكردووە بە "وێرانكردنی ژێرخانی ئەو شارە و سروشتەكەی."

هەر بەپێی میدیاكانی رۆژئاوا، تەنها لەگوندی قزڵ پاشای ناوچەی بلبلی سەر بە عەفرین گروپەكانی سەر بە توركیا ٣٥٠ داری زەیتونیان لە مانگی رابردوودا بڕیوەتەوە و دواتر بردوویانەتە دەرەوەی عەفرین.

بەپێی سەرژمێرییەكی نافەرمیش لە سەرەتای داگیركردنی عەفرینەوە كە زیاتر لە دوو ساڵە ٢٨٠ هەزار داری زەیتوون لە عەفرین بڕدراوەتەوە و براوە بۆ توركیا.