سەردێڕ:

ناسنامەی هێرشکەرەکەی ئەمڕۆی فەڕەنسا ئاشکراکرا

فۆتۆ: 
2020-10-29

15998 جار خوێندراوەتەوە

سەرلەبەیانی ئەمڕۆ هێرشێک کرایە سەر کڵێسایەکی شاری نیسی فەڕەنسا و تێیدا سێ کەس کوژران کە یەکێکیان بە چەقۆ ملی لە لاشەی کرایەوە، بەپێی میدیاکانی ئەو وڵاتەش بێت، ئەنجامدەرەکەی کۆچبەرێکی تونسی تەمەن ٢١ ساڵە.


سەرلەبەیانی ئەمڕۆ هێرشێک کرایە سەر کڵێسایەکی شاری نیسی فەڕەنسا و تێیدا سێ کەس کوژران کە یەکێکیان بە چەقۆ ملی لە لاشەی کرایەوە، بەپێی میدیاکانی ئەو وڵاتەش بێت، ئەنجامدەرەکەی کۆچبەرێکی تونسی تەمەن ٢١ ساڵە.

میدیاکانی فەڕەنسا بڵاویانکردەوە، هێرشبەرەکە ناوی (ئیبراهیم عوساوی)ە و چەند هەفتەیەکە لە ئیتاڵیاوە گەیشتووەتە وڵاتەکەیان و لە ئێستادا دەستگیرکراوە.

ئەمڕۆ دوای کوژرانی سێ کەس لە کڵێسایەکی شاری نیسی فەڕەنسا، پۆلیس گەیشتە سەر رووداوەکە و تەقەی لە هێرشبەرەکە کرد و بەوهۆیەشەوە فیشەک بەر شانی کەوتووە و بە بریندارى لە ئێستادا لە نەخۆشخانە لەژێر چاودێریدایە.

هەر ئەمرۆ، ئیمانوێل ماکرۆنی سەرۆکی فەڕەنسا سەردانی شاری نیسی کرد و رایگەیاند، ئەنجامدەری هێرشەکە بریتیە لە "تیرۆریستێکی ئیسلامی".

راشیگەیاند، لەمەودوا رێژەی پاسەوانانی قوتابخانە و کڵێساکان بەرزدەکەنەوە و رەنگە تاوەکو حەوت هەزار سەرباز رەوانەی ناو شارەکان بکەن.

ئەو هێرشەی ئەمڕۆ لەکاتێکدایە، لە چەند رۆژی رابردوودا، کەسێکی بە رەگەز چیچانی مامۆستای قوتابخانەیەکی پاریسی پایتەختی فەڕەنسای سەربڕی و هۆکارەکەشی بۆ نیشاندانی کاریکاتێری پەیامبەری ئیسلام بە قوتابیەکانی گەڕاندەوە و دواتر لەلایەن پۆلیسەوە کوژرا.

لە پاش ئەو رووداوەش، ئیمانوێل ماکرۆن رایگەیاند، "ئیسلام پێویستی بە چاکسازییە" و دەبێت گۆڕانکاری لە تێگەیشتنەکاندا بکرێت. ئەوەش کاردانەوەی بەشێک لە مسوڵمانانی جیهانی لێکەوتەوە و رەخنەیان لە قسەکانی سەرۆکی فەڕەنسا گرت.