سەردێڕ:

پەروەردەی عێراق: تا ئێستا دەستپێکردنەوەی دەوام دیارینەکراوە

فۆتۆ: 
2020-07-31

55291 جار خوێندراوەتەوە

وەزارەتی پەروەردەی عێراق رایگەیاند، تا ئێستا کاتی دەستپێکردنەوەی ساڵی نوێی خوێندن دیارینەکراوە و دوای هەڵسەنگاندنی دۆخی توشبوون بە کۆرۆنا بڕیاری لەبارەوە دەدرێت.

حەیدەر فاروق وتەبێژی وەزارەتی پەروەردەی عێراق رایگەیاند، "وەزارەتی پەروەردە لە ماوەی داهاتوودا، بەپێی بارودۆخی وڵات و هەڵسەنگاندنی دۆخی توشبوون بە ڤایرۆسی کۆرۆنا بڕیاری یەکلاکەرەوە بۆ دەستپێکردنەوەی ساڵی نوێی خوێندن دەدات."

ئاماژە بەوەشکراوە، "هەڵسەنگاندنەکان بۆ ئەم بابەتە لە بەڕێوەبەرایەتییەکانی پەروەردەوە بەردەوامی هەیە تاوەکو ئەو میکانیزمانەی لەبەردەستدان تاوتوێ بکرێت."

لە مانگی شوباتی ئەم ساڵەوە، بەهۆی بڵاوبوونەوەی ڤایرۆسی کۆرۆناوە دەرگای گشت ناوەندەکانی خوێندن لە هەرێم و عێراقدا داخران و دواتر حکومەتی هەرێم بڕیاریدا، نمرەکانی خولی یەکەم بکاتە پێوەری دەرچونی خوێندکار و جگە لە قوتابیانی قۆناغی ١٢ی ئامادەیی قوتابیانی هیچ قۆناغێک تاقیکردنەوەی خولی دووەمیان نەکرد.