سەردێڕ:

سێ کەس بە تۆمەتی کوشتنی خۆپیشاندەرانی عێراق دەستبەسەرکران

فۆتۆ: 
2020-07-31

2287 جار خوێندراوەتەوە

وەزیری ناوخۆی عێراق دەستبەسەرکردنی سێ کارمەندی هێزە ئەمنییەکانی بە تۆمەتی کوشتنی دوو خۆپیشاندەر لە ناوەڕاستی بەغدا راگەیاند.

عوسمان غانمی وەزیری ناوخۆی عێراق لە کۆنفڕانسێکی رۆژنامەوانییدا لە بەغدا رایگەیاند، "لیژنەی لێکۆڵینەوەی تایبەت بە رووداوەکانی گۆڕەپانی تەیەڕان لە ناوەڕاستی بەغدا کۆتایی بە کارەکانی هێنا".

ئەوەشی خستەڕوو، "لێکۆڵینەوەکان ئەوەیان سەلماندووە ئەو دوو خۆپیشاندەرەی کوژراون بە چەکی تاپڕ تەقەیان لێکراوە"، دەشڵێت، "سێ کارمەندی ئەمنی لەکاتی رووداوەکەدا ئەو جۆرە چەکەیان پێ بووە، ئەمەش سەرپێچی رێنماییەکانە".

باسی لەوەشکرد، "دادوەری لێکۆڵینەوە فەرمانی داوە بە دەستبەسەرکردنی ئەو سێ کارمەندەی هێزە ئەمنییەکان بەتۆمەتی تەقەکردن لە خۆپیشاندەران."

رۆژی دووشەممەی رابردوو، مستەفا کازمی ماوەی ٧٢ کاتژمێر مۆڵەتی بە دەزگا ئەمنییەکاندا بەمەبەستی راگەیاندنی ئەنجامی لێکۆڵینەوەکان لەبارەی خۆپیشاندانەکانی رۆژی یەکشەممەی رابردووی گۆڕەپانی تەیەڕان ناوەڕاستی بەغدا.

لە مانگی تشرینی یەکەمی رابردوو زنجیرەیەک خۆپیشاندان لە بەغدای پایتەخت و شارەکانی دیکەی عێراق بەڕێوەچوون و بەوهۆیەوە حکومەتی پێشوو بە سەرۆکایەتی عادل عەبدولمەهدی ناچار بە دەستلەکارکێشانەوە کرا.

No photo description available.Image may contain: one or more people and shoesImage may contain: food