سەردێڕ:

وێنە.. تاوانباری سەرەکی کوشتنی پۆلیسەکەی کەرکوک دەستگیرکرا

فۆتۆ: 
2020-07-25

8167 جار خوێندراوەتەوە

پۆلیسی کەرکوک رایگەیاند، تاوانباری سەرەکی رووداوی کوشتنی پۆلیسە کوردەکەی کەرکوک لە بەغدا دەستگیرکرا.

پۆلیسی کەرکوک رایگەیاند، "تاوانباری سەرەکی لە دۆسیەی کوشتنی بەهجەت ئەنوەر ئەو پۆلیسەی دوو مانگ بەر لە ئێستا لە ناو ئۆتۆمبێلەکەی خۆیدا لە گەڕەکی عەسکەری کەرکوک سەربڕدرا، دەستگیرکراوە."

ئاماژەی بەوەشكردووە، "تاوانبارەکە لە شاری بەغدا دەستگیرکراوە و لە بەردەم دادوەری لێکۆڵینەوەی کەرکوک دانی بە تاوانەکەیدا ناوە."

لە ٢٤ی ئایاری رابردوودا، پاش دیارنەمانی پۆلیسێکی کورد کە سەر بە پۆلیسی فریاکەوتنی عێراق بوو، پاش ڕۆژێک بە سەربڕدراوی لە ئۆتۆمبێلەکەیدا دۆزرایەوە.