سەردێڕ:

سیستانی یەکەم رۆژی جەژنی قوربانی دیاریکرد

فۆتۆ: 
2020-07-21

16841 جار خوێندراوەتەوە

مەرجەعی باڵای شیعەکانی عێراق رۆژی ٣١ی تەمموزی وەکو یەکەم رۆژی جەژنی قوربان دیاریکرد، بەوەش لەمساڵدا، سونە و شیعەکان لەهەمان رۆژدا جەژن دەکەن.

ئەمڕۆ سێشەممە، نوسینگەی عەلی سیستانی مەرجەعی باڵای شیعەکانی عێراق بڵاویکردەوە، "سبەی چوارشەممە، یەکەم رۆژی مانگی زیلحەجە دەبێت."

ئاماژە بەوەشکراوە، "رۆژی هەینی ٣١ی ئەم مانگە یەکەم رۆژی جەژنی قوربان دەبێت."

پێشتریش، سعودییە رۆژی هەینی ٣١ی ئەم مانگەی وەک یەکەم رۆژی جەژنی قوربان دیاریکرد بوو.

جەژنەکانی ئاینی ئیسلام بەپێی مەرجە شەرعییەکان و مانگی هیجری دیاریدەکرێت کە ساڵانە گۆڕانکارییان بەسەردادێت.