سەردێڕ:

لە تەقینەوەیەكدا لە دیالە کەسێک کوژرا

فۆتۆ: 
2020-07-21

1204 جار خوێندراوەتەوە

سەرچاوەیەكی ئەمنیی رایگەیاند، "لە ئاکامی تەقینەوەیەك لە باكوری رۆژهەڵاتی پارێزگای دیالە، كارمەندێكی ئەمنیی كوژرا و شەشی دیكەش برینداربوون."

ئەمڕۆ سێشەممە، سەرچاوەیەكی ئەمنیی لە لێدوانێكدا بۆ میدیا خۆجێیەکان رایگەیاند، "خانویەكی بۆمبڕێژكراو لە باكوری رۆژهەڵاتی شاری باقوبەی سەنتەری پارێزگای دیالە تەقیوەتەوە و کوژرانی کارمەندێکی ئەمنیی و برینداربوونی شەشی دیکەی لێکەوتووەتەوە."

هاوکات، سەرچاوەکە رایگەیاند، "بۆمبێكی دیکەی چێنراو لە ناحیەی عەبارەی باكوری رۆژهەڵاتی شاری باقوبە تەقیوەتەوە، بەڵام هیچ زیانێكی گیانی لێ نەكەوتووەتەوە."

ئەمەش لە كاتێكدایە، لە ١١ی ئەم مانگەدا، قۆناغی چوارەمی ئۆپەراسیۆنی "پاڵەوانەكانی عێراق" بە ئامانجی راوەدونانی چەکدارانی داعش لە ناوچەكانی سەربە پارێزگای دیالە بەڕێوەچوو كە لە میانیدا ژمارەیەك چەکداری سەر بەو هێزە كوژران و ژمارەیەك حەشارگەش خاپووركران.