سەردێڕ:

تەندروستی عێراق ئاماری ٢٤ کاتژمێری توشبووانی کۆرۆنای راگەیاند

فۆتۆ: 
2020-07-03

5373 جار خوێندراوەتەوە

وەزارەتی تەندروستی عێراق رایگەیاند، لە ماوەی ٢٤ کاتژمێری رابردوودا دوو هەزار و ٥٨ حاڵەتی نوێی تووشبوون بە کۆرۆنا، هەزار و ٦٠٢ چاکبوونەوە و ٩٢ گیانلەدەستدان تۆمارکراوە.

ئەمڕۆ هەینی، وەزارەتی تەندروستی و ژینگەی عێراق رایگەیاند، "لە ماوەی ٢٤ کاتژمێری رابردوودا دوو هەزار و ٥٨ حاڵەتی نوێی تووشبوون بە کۆرۆنا تۆمارکراوە، بە جۆرێک ٧٦٦ حاڵەتیان لە بەغدای پایتەختی ئەو وڵاتە بووە."

ئاماژە بەوەشكراوە، لە ماوەی ٢٤ كاتژمێری ڕابردوودا هەزار و ٦٠٢ كەس لە نەخۆشییەكە بە تەواوی چاكبوونەتەوە.

ئەوەشخراوەتەڕوو، لە ماوەی ٢٤ كاتژمێری ڕابردوودا ٩٢ كەس بە كۆرۆنا گیانیان لەدەستداوە كە ٢٨ لەوانە لە بەغدادن.

بەپێی دوایین ئامارەکان، تا ئێستا ٥٦ هەزار و ٢٠ حاڵەتی تووشبوون بە ڤایرۆسی کۆرۆنا لە عێراقدا تۆمارکراوە، لەو ژمارەیەش ٢٩ هەزار و ٦٠٠ کەسیان چاکبوونەتەوە و دوو هەزار و ٢٦٢ کەسیش گیانیان لەدەستداوە.