سەردێڕ:

حەوت شوێن لە سلێمانی داخران

فۆتۆ: 
2020-07-02

10917 جار خوێندراوەتەوە

قائیمقامیەتی سلێمانی ڕایگەیاند، بەهۆی پابەندنەبون بە رێنماییە تەندروستیەكان و رێکارەکانی خۆپارێزی، لیژنە هاوبه‌شه‌کانی قائیمقامیه‌تی سلێمانی حه‌وت شوێنیان داخست.

بێوەی ئەحمەد، سەرۆکی لیژنەی دووی سه‌ر به‌لیژنه هاوبه‌شه‌كانی‌ قائیمقامیەتی سلێمانی رایگەیاند، "بەهۆی سەرپێچیكرکردن لە رێنماییه‌كانی ته‌ندروستی و رێكاره‌كانی خۆپارێزی و پابه‌ندنه‌بون به‌بڕیارەکانی ژوری ئۆپراسیۆنەکانی خۆپارێزی لە ڤایرۆسی کۆرۆنا لە سلێمانی و کردنەوەی شوێنەکانیان، لیژنەکە چوار هۆڵی وه‌رزش، دوو گازینۆی بلیارد و یه‌ك کافتریای نێرگەلەکێشانی داخست."

دەشڵێت، "تا کاتێکی نادیار بڕیاری داخستنی کافتریای نێرگەلە و گازینۆ و هۆڵه‌كانی وه‌رزشكردن، هەر شوێنێکیش پابه‌ندنه‌بێت و بکرێتەوە له‌لایه‌ن لیژنەکانی قائیمقامیەتی سلێمانییه‌وه‌ داده‌خرێن".

ئاماژەی بۆ ئەکرد، "بەفەرمانی قائیمقامی سلێمانی هەر حه‌وت شوێنەکە دادەخرێن و خاوەنەکانیشیان روبەڕوی رێکاری یاسایی توند دەکرێنەوە".

ڕۆژی ٢٧ ی مانگی ڕابردوو ژووری ئۆپراسیۆنەكانی سلێمانی ڕایگەیاند، نێرگەلەخانە و هەر کافتریایەک کە نێرگەلە پێشکەش بکات، مەلەوانگە، لایڤ میوزیک، جیمەکان، یانە شەوانەکان، مەیخانەکان، شوێنەکانی کاتبەسەربردن و سەرگەرمکردن، هۆڵی بۆنە و کۆڕ و کۆبوونەوەکان، بەداخراوی دەمێننەوە.