سەردێڕ:

تەندروستی عێراق ئاماری ٢٤ کاتژمێری توشبووانی کۆرۆنای راگەیاند

فۆتۆ: 
2020-07-02

6083 جار خوێندراوەتەوە

وەزارەتی تەندروستی عێراق رایگەیاند، لە ماوەی ٢٤ کاتژمێری رابردوودا هەزار و ١٢٥ حاڵەتی نوێی تووشبوون بە کۆرۆنا، هەزار و ٤٢٣ چاکبوونەوە و ١٠٤ گیانلەدەستدان تۆمارکراوە.

ئەمڕۆ پێنجشەممە، وەزارەتی تەندروستی و ژینگەی عێراق رایگەیاند، "لە ماوەی ٢٤ کاتژمێری رابردوودا هەزار و ١٢٥ حاڵەتی نوێی تووشبوون بە کۆرۆنا تۆمارکراوە، بە جۆرێک ٧١٥ حاڵەتیان لە بەغدای پایتەختی ئەو وڵاتە بووە."

ئاماژە بەوەشكراوە، لە ماوەی ٢٤ كاتژمێری ڕابردوودا هەزار و ٤٢٣ كەس لە نەخۆشییەكە بە تەواوی چاكبوونەتەوە.

ئەوەشخراوەتەڕوو، لە ماوەی ٢٤ كاتژمێری ڕابردوودا ١٠٤ كەس بە كۆرۆنا گیانیان لەدەستداوە كە ٤٢ لەوانە لە بەغدادن.

بەپێی دوایین ئامارەکان، تا ئێستا ٥٣ هەزار و ٧٠٨ حاڵەتی تووشبوون بە ڤایرۆسی کۆرۆنا لە عێراقدا تۆمارکراوە، لەو ژمارەیەش ٢٧ هەزار و ٩١٢ کەسیان چاکبوونەتەوە و دوو هەزار و ١٦٠ کەسیش گیانیان لەدەستداوە.