سەردێڕ:

وێنە.. سامسۆنگ مۆبایلێکی سەربازیی بەرهەمهێنا

فۆتۆ: 
2020-05-24

9918 جار خوێندراوەتەوە

کۆمپانیای سامسۆنگ مۆبایلێکی بەرهەمهێناوە کە سەربازان و هێزە تایبەتەکان لەکاتی ئۆپراسیۆنەکانیاندا دەتوانن بەکاری بهێنن.

کۆمپانیای سامسۆنگ رایگەیاند، مۆبایلیکی سەربازیی لەژێر ناوی S20 بەرهەمهێناوە کە دژەئاو و خۆڵ و شکانە و تەنیا لە بواری سەربازی و ئۆپراسیۆندا بەکاردێت.

کۆمپانیاکە دەشڵێت، مۆبایلەکە لە چوارچێوەیەکی پلاستیکی پێشکەوتوودایە و کامێرا و دەنگی تایبەت بە ئۆپراسیۆنی سەربازیی تێدایە و هاوکات، بە چەند ئەپڵیکەشنێکی تایبەتی، نەخشەی شوێنی شەڕەکان بۆ تیمی سەربازەکان رووندەکاتەوە.

ئاماژە بەوەشکراوە، شاشەی مۆبایلەکە ٦.٢ ئینجە و پرۆسێسەرەکەی بریتییە لە سناپدراگۆن ٨٦٥. هاوکات، رامەکەی ١٢ گێگابایتە و یادگەی ناوخۆییشی ١٢٨ گێگابایتە.

سامسوۆنگ باسی لەوەشکردووە، مۆبایلەکە توانای کوژاندنەوەی سەرجەم ئەو فریکوێنسیانەی هەیە کە لە دەوروبەریدا هەوڵی دۆزینەوەی دەدەن و بە تەواوی لەگەڵ ئۆپراسیۆنی سەربازیدا دێتەوە.

Samsung announces Galaxy S20 Tactical Edition - GSMArena.com news

Samsung Galaxy S20 Tactical Edition is ready for war - Android ...Samsung launches Galaxy S20 Tactical Edition for US govt - Y This News